ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 06/07/2020 ເວລາ 10:00


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 06/07/2020 ເວລາ 10:50

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ

ພາກລັດຖະກອນ
ແຜ່ນພັບພາກວິສາຫະກິດ
ແຜ່ນພັບພາກສະໝັກໃຈ

ອຳນວຍການ ອປສ ເຂົ້າຮ່ວມກອງປະຊຸມ ASSA ຄັ້ງທີ 26 ທີ່ຮາໂນຍ,ສ ສ ຫວຽດນາມ

ໃນລະຫວ່າງວັນທີ 15 - 18 ກັນຍາ 2010ຜ່ານມານີ້ ຜູ້ອຳນວຍການອົງການປະກັນສັງຄົມ ນຳໂດຍ ທ່ານ ຄຳພວງ ອິນທະແສງ ພ້ອມດ້ວຍຄະນະ ໄດ້ເດີນທາງເຂົ້າຮ່ວມກອງປະຊຸມ ສະພາບໍລິຫານ ສະມາຄົມປະກັນສັງຄົມ ອາຊຽນ ຫຼື ASSA ທີ່ຮາໂນຍ ສສ ຫວຽດນາມ ໃນກອງປະຊຸມຄັ້ງນີ້ ມີຜູ້ເຂົ້າຮ່ວມທັງໜົດ 63 ຄົນຊຶ່ງ ມາຈາກບັນດາປະເທດສະມາຊິກ ASSA ຈາກ 8 ປະເທດເຂົ້າຮ່ວມ ນອກນີ້ຍັງມີຜູ້ເຂົ້າຮ່ວມໃນນາມຜູ້ສັງເກດການ, ນັກບັນຍາຍຮັບເຊີນ ຈຸດປະສົງຂອງ ກອງປະຊຸມແມ່ນເພື່ອປຶກສາຫາລື ແລະ ແລກປ່ຽນບົດຮຽນທີ່ດີເດັ່ນ ກ່ຽວກັບວຽກ ງານປະກັນສັງຄົມລະຫວ່າງ ບັນດາປະເທດສະມາຊິກດ້ວຍກັນ.

ວາລະກອງປະຊຸມແມ່ນ ໄດ້ດຳເນີນໄປໂດຍການເປັນ ປະທານຂອງ ທ່ານ ຫງຽນ ຊິງ ຮວງ ຮອງນາຍົກລັດຖະມົນຕີ ສສ ຫວຽດນາມ, ສຳລັບຫົວຂໍ້ທີ່ໄດ້ນຳສະເໜີກ່ອນກອງປະຊຸມ ສະພາບໍລິຫານ (Pre ASSA Board Meeting), ມີຄື: ມາດຕະການເພື່ອສ້າງຄວາມເຂັ້ມແຂງ ທາງດ້ານການເງິນດ້ວຍການເອົາໃຈ ໃສ່ຄຸ້ມຄອງການຈ່າຍ ເງິນສົມທົບ ຢ້ອນຫຼັງນຳສະເໜີໂດຍ ກອງທືນຊົດເຊີຍ ແລະ ສະຫວັດດີການສຳລັບຜູ້ອອກແຮງງານແຫ່ງ ສ.ເກົາຫຼີ; ການເກັບເງິນສົມທົບ ນຳສະເໜີ ໂດຍຊ່ຽວຊານຈາກ ອົງການແຮງງານສາກົນ (ILO); ການເກັບເງິນສົມທົບ ການຕິດຕາມກວດກາ ແລະ ການນຳໃຊ້ມາດຕະການ ຕໍ່ຜູ້ໃຊ້ແຮງງານພາຍໃຕ້ລະບົບປະກັນບຳນານຂອງ ເຢຍລະມັນ ນຳສະເໜີໂດຍຊ່ຽວຊານຈາກກອງທືນບຳນານຂອງ ເຢຍລະມັນ; ພ້ອມດຽວກັນ ນີ້ໃນກອງປະຊຸມຍັງໄດ້ນຳສະເໜີ ບົດຮຽນທີ່ດີເດັ່ນເຊັ່ນ: ມາດຕະການບັງຄັບ ແລະ ຮຽກເກັບເງິນສົມທົບ ໂດຍກອງທືນສຳຮອງລ້ຽງຊີບຂອງ ປະເທດສິງກະໂປ; ມາດຕະການເກັບເງິນສົມທົບ ທີ່ຄ້າງຈ່າຍໂດຍອົງການປະກັນສັງຄົມຫວຽດນາມ; ລະບົບອຸດໜູນໄລຍະຍາວພາຍໃຕ້ການປະກັນສັງຄົມພາກວິສາຫະກິດຈາກ ອົງການປະກັນສັງຄົມແຫ່ງ ສປປ ລາວ; ລະບົບປະກັນສຸຂະພາບແບບທຸກທົ່ວໜ້າ ຂອງລາດສະອານາຈັກໄທໂດຍກອງທືນ ປະກັນສຸຂະພາບຂອງໄທ; ການຮັບປະກັນຄຸນນະພາບ ການປິ່ນປົວຂອງຜູ້ໃຫ້ ບໍລິການທາງການແພດຂັ້ນທ້ອງຖິ່ນ, ໂດຍອົງການ PT. JAMSOSTEK ຂອງ ອິນໂດເນເຊຍ, ສຳລັບບັນຫາທີ່ນຳມາສົນທະນາໂດຍສະພາບໍລິຫານ ASSA ແມ່ນການປຶກສາຫາລືເຊື້ອເຊີນ ເອົາອົງການປະກັນສັງຄົມຂອງ ກຳປູເຈຍ ແລະ ມຽນມາ ເພື່ອເຂົ້າເປັນສະມາຊິກ ASSA ແລະ ອົງການປະກັນສັງຄົມ ກຳປູເຈຍ ກໍ່ຍິນດີທີ່ຈະເຂົ້າຮ່ວມໃນພາຄີປະກັນສັງຄົມອາຊຽນໃນໄວໆ ນີ້; ໃນກອງປະຊຸມ ຍັງໄດ້ສົນທະນາ ກ່ຽວກັບການແລກປ່ຽນບົດຮຽນ ລະຫວ່າງບັນດາອົງການ ສະມາຊິກ ASSA ດ້ວຍກັນໃນລະບົບທະວິພາຄີ ເປັນຕົ້ນແມ່ນໃຫ້ຖືເອົາແບບ ຢ່າງການພົວພັນ ຮ່ວມມືລະຫວ່າງ ອປສ ລາວ ແລະ ອປສ ສສ ຫວຽດນາມ. ເປັນແນວໃດກໍ່ຕາມບັນດາບົດຮຽນຕ່າງໆ ທີ່ຖືກຍົກ ຂຶ້ນມານຳສະເໜີໃນລະຫວ່າງ ກອງປະຊຸມຄັ້ງດັ່ງກ່າວນັ້ນ ລ້ວນແຕ່ເປັນບົດຮຽນອັນລ້ຳຄ່າ ຕໍ່ລະບົບປະກັນສັງຄົມແຫ່ງ ສປປ ລາວ ເຮົາກໍ່ຄືບັນດາສະມາຊິກ ASSA ຈາກທຸກໆ ປະເທດທີ່ໄດ້ເຂົ້າຮ່ວມ ພ້ອມດຽວກັນນັ້ນ ອປສ ຂອງລາວເຮົາ ຄວນໝູນໃຊ້ບັນດາບົດຮຽນ ອັນດີເລີດເຫຼົ່ານັ້ນ ມາປະດິດສ້າງ ແລະ ໝູນໃຊ້ເຂົ້າໃນວຽກ ອປສ ຢູ່ລາວໃຫ້ຖືກຕ້ອງແທດເໝາະ ກັບສະພາບເສດຖະກິດໃນປະຈຸບັນໃຫ້ມີ ຄວາມເຂັ້ມແຂງ. ພ້ອມນີ້ບັນດາຊ່ຽວຊານກໍ່ຄືບັນດາ ອົງການສະມາຊິກທີ່ໄດ້ຂຶ້ນນຳສະເໜີບົດຮຽນຂອງຕົນຕ່າງ ກໍ່ໃຫ້ທັດສະນະວ່າ: ການເກັບ ເງິນສົມທົບຈາກກຸ່ມເປົ້າໝາຍມີ ຄວາມຈຳເປັນຕ້ອງໄດ້ນຳໃຊ້ມາດຕະການ ບັງຄັບທາງດ້ານກົດໝາຍຄຽງຄູ່ກັບການ ໂຄສະນາປະຊາສຳພັນ ແລະ ມີນະໂຍບາຍຕໍ່ກັບບາງປະເພດທຸລະກິດເພື່ອ ສ້າງຄວາມສະດວກ ໃຫ້ບັນດາວິສາຫະກິດໃຫ້ມີຄວາມສະດວກໃນການຈ່າຍເງິນສົມທົບ ເຂົ້າກອງທືນປະກັນສັງຄົມ. ເຖິງຢ່າງໃດກໍ່ຕາມ ການເຂົ້າເປັນສະມາຊິກ ASSA ຂອງລາວແຕ່ປີ 2003 ເປັນຕົ້ນມາແມ່ນເປັນການ ເປີດໂອກາດໃຫ້ ອປສ ແຫ່ງ ສປປ ລາວໄດ້ນຳສະເໜີບົດຮຽນຂອງຕົນຕໍ່ພາກພື້ນ ກໍ່ຄືເວທີສາກົນ ສຳລັບກອງປະຊຸມສະພາບໍລິຫານສະມາຄົມ ປະກັນສັງຄົມອາຊຽນ ຄັ້ງທີ 27 ຈະໄດ້ຈັດຂຶ້ນທີ່ປະເທດສິງກະໂປໃນທ້າຍເດືອນມີນາ 2011.

 

 

div#mb_center,div#mb_bottom{ z - index: 9999; } div#mb_overlay{ z - index: 9999; }