ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 03/08/2020 ເວລາ 09:20


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 03/08/2020 ເວລາ 13:42

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ

ພາກລັດຖະກອນ
ແຜ່ນພັບພາກວິສາຫະກິດ
ແຜ່ນພັບພາກສະໝັກໃຈ

ມາດຕະການດ້ານແຮງງານ ແລະ ນະໂຍບາຍການປະກັນສັງຄົມໃນໄລຍະ ແລະ ຫຼັງການແຜ່ລະບາດຂອງພະຍາດ COVID-19.

altທ່ານ ພົງໄຊສັກ ອິນຖາລາດ ຫົວໜ້າກົມຄຸ້ມຄອງແຮງງານ ກະຊວງແຮງງານ ແລະ ສະຫວັດດີການສັງຄົມ ໄດ້ຖະແຫຼງຂ່າວຕໍ່ສື່ມວນຊົນ ໃນວັນທີ 2 ພຶດສະພາ 2020ນີ້, ທີ່ສູນປະຕິບັດງານ ຄະນະສະເພາະກິດຄວບຄຸມ COVID-19

ແຈ້ງການກຽ່ວກັບມາດຕະການດ້ານແຮງງານ ແລະ ນະໂຍບາຍການປະກັນສັງຄົມໃນໄລຍະ ແລະ ຫຼັງການແຜ່ລະບາດຂອງພະຍາດ COVID-19; ໂດຍອີງຕາມ ດໍາລັດວ່າດ້ວຍ ການຈັດຕັ້ງ ແລະ ການເຄື່ອນໄຫວຂອງກະຊວງແຮງງານ ແລະ ສະຫວັດດີການສັງຄົມ ສະບັບເລກທີ 200/ນຍ, ລົງວັນທີ 30 ມິຖຸນາ 2017; ອີງຕາມ ຄໍາສັ່ງນາຍົກລັດຖະມົນຕີ ວ່າດ້ວຍການເພີ່ມທະວີມາດຕະການສະກັດກັ້ນ, ກັນການລະບາດ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດ COVID-19 ສະບັບເລກທີ 06/ນຍ, ລົງວັນທີ 29 ມີນາ 2020 ແລະ ອີງຕາມ ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ສະບັບເລກທີ 591/ຫສນຍ, ລົງວັນ ທີ 27 ພຶດສະພາ 2020 ໃຫ້ຮູ້ວ່າ: ເພື່ອເຮັດໃຫ້ຫົວຫນ່ວຍທຸລະກິດ, ການຜະລິດ ແລະ ການບໍລິການຂອງທຸກພາກສ່ວນເສດຖະກິດໃນທົ່ວປະ ເທດເຂົ້າໃຈ ແລະ ເອົາໃຈໃສ່ຈັດຕັ້ງປະຕິບັດກົດຫມາຍ ແລະ ລະບຽບການດ້ານແຮງງານ ແລະ ສະຫວັດດີການສັງຄົມ ໃຫ້ຖືກຕ້ອງເຫມາະສົມກັບໄລຍະທີ່ມີການແຜ່ລະບາດ ແລະ ຫຼັງຈາກການແຜ່ລະບາດຂອງພະຍາດ COVID-19.
ກະຊວງແຮງງານ ແລະ ສະຫວັດດີການສັງຄົມ ຂໍຖືເປັນກຽດແຈ້ງການ ມາຍັງພະແນກແຮງງານ ແລະ ສະຫວັດດີການສັງຄົມແຂວງ, ນະຄອນຫຼວງວຽງຈັນ, ບັນດາຫົວຫນ່ວຍທຸລະກິດ, ການຜະລິດ ແລະ ການບໍລິການໃນຂອບເຂດທົ່ວປະເທດຊາບ ດັ່ງນີ້:
1. ໃຫ້ຫົວຫນ່ວຍແຮງງານທີ່ໄດ້ຢຸດກິດຈະການຊົ່ວຄາວໃນເດືອນ ເມສາ 2020 ຕາມຄໍາສັ່ງຂອງນາຍົກລັດ ຖະມົນຕີ ເລກທີ 06/ນຍ, ຖ້າຫົວຫນ່ວຍແຮງງານໃດຍັງບໍ່ທັນໄດ້ຈ່າຍເງິນເດືອນ ຫຼື ຄ່າແຮງງານໃຫ້ ຜູ້ອອກແຮງ ງານແມ່ນໃຫ້ສືບຕໍ່ພິຈາລະນາຊ່ວຍຈ່າຍຕາມປົກກະຕິ, ຖ້າມີຄວາມຈໍາເປັນແທ້ແມ່ນໃຫ້ຈ່າຍ ຢ່າງຫນ້ອຍເທົ່າກັບຫ້າ ສິບສ່ວນຮ້ອຍ (50%) ຂອງເງິນທີ່ເຄີຍໄດ້ຮັບ. ສໍາລັບຜູ້ທີ່ໄດ້ຮັບຄ່າແຮງງານ ຕາມຜະລິດຕະພັນ ຫຼື ເປັນລາຍວັນທີ່ອາດໄດ້ຄ່າແຮງງານຕ່ໍາກວ່າ ຄ່າແຮງງານຕ່ໍາສຸດທີ່ລັດຖະບານ ປະກາດໃຊ້ກໍໃຫ້ຈ່າຍບໍ່ໃຫ້ຫຼຸດຫ້າສິບສ່ວນຮ້ອຍ ຫຼື ເທົ່າກັບຫ້າແສນຫ້າສິບພັນກີບ (550.000 ກີບ). ທຸກກໍລະນີແມ່ນບໍ່ໃຫ້ລວມມື້ທີ່ຜູ້ອອກແຮງງານໄດ້ເຮັດວຽກປົກ ກະຕິ ແລະ ວັນພັກບຸນປີໃຫມ່ລາວ (13-19 ເມສາ 2020) ທີ່ຕ້ອງໄດ້ຈ່າຍເຕັມປົກກະຕິ, ຫົວຫນ່ວຍແຮງງານສືບ ຕໍ່ຢຸດກິດຈະການ ຫລື ຜູ້ອອກແຮງງານທີ່ຖືກໃຫ້ພັກວຽກ ເພື່ອປະຕິບັດຄໍາສັ່ງເລກທີ 06/ນຍ ນັບແຕ່ວັນທີ 1 ພຶດ ສະພາ 2020 ເປັນຕົ້ນໄປ, ຜູ້ອອກແຮງງານທີ່ເປັນສະມາຊິກຂອງກອງທຶນປະກັນສັງຄົມຈະໄດ້ຮັບເງິນນະໂຍບາຍສຸດ ຫນູນວ່າງງານຈາກກອງທຶນປະກັນສັງຄົມຕາມເງື່ອນໄຂ ແລະ ກໍານົດໄລຍະເວລາທີ່ໄດ້ກໍານົດ ໃນລະບຽບການສະ ເພາະ, ສໍາລັບຜູ້ອອກແຮງງານທີ່ຍັງບໍ່ແມ່ນສະມາຊິກຂອງກອງທຶນປະກັນສັງຄົມ ແມ່ນໃຫ້ຜູ້ໃຊ້ແຮງງານ ພິຈາລະນາ ຈ່າຍຄ່າແຮງງານໃຫ້ຜູ້ອອກແຮງງານຂອງຕົນຕາມຄວາມອາດສາມາດ ເພື່ອຮັກສາຜູ້ອອກແຮງງານໄວ້;
2. ໃນໄລຍະການແຜ່ລະບາດຂອງພະຍາດ COVID-19 ໃຫ້ຫົວຫນ່ວຍແຮງງານສືບຕໍ່ປະຕິບັດຕາມກົດ ຫມາຍ, ລະບຽບການດ້ານແຮງງານ ແລະ ສັນຍາແຮງງານທີ່ມີຜົນນຶ່ງໃຊ້ຢູ່ ໂດຍບໍ່ໃຫ້ສວຍໃຊ້ຜົນກະທົບ ດັ່ງກ່າວ ເຮັດສິ່ງທີ່ຂັດຕໍ່ກົດຫມາຍ ແລະ ລະບຽບການ ໂດຍສະເພາະບໍ່ໃຫ້ມີການຍົກເລີກສັນຍາແຮງ ງານກັບຜູ້ອອກແຮງງານ ທີ່ກໍາລັງປະສົບກັບບັນຫາທີ່ກ່ຽວຂ້ອງກັບການປ້ອງກັນ ແລະ ແກ້ໄຂການແຜ່ລະບາດຂອງພະຍາດ COVID-19 ໂດຍບໍ່ໄດ້ຮັບການອະນຸຍາດຈາກກະຊວງແຮງງານ ແລະ ສະຫວັດດີການສັງຄົມ ໂດຍຜ່ານການປຶກສາຫາລືສາມ ຝ່າຍ, ໃນກໍລະນີຜູ້ອອກແຮງງານຫາກໄດ້ພັກວຽກຍ້ອນ ເຫດຜົນທີ່ກ່ຽວຂ້ອງກັບພະຍາດ COVID-19 ທີ່ພາກ ສ່ວນກ່ຽວຂ້ອງຢັ້ງຢືນວ່າບໍ່ແມ່ນຄວາມຜິດ ຂອງຜູ້ອອກແຮງງານ, ຜູ້ອອກແຮງງານຜູ້ນັ້ນຍັງມີສິດໄດ້ຮັບຄ່າແຮງງານ ເຕັມຕາມປົກກະຕິ;
3. ໃນໄລຍະການປະຕິບັດຄໍາສັ່ງຂອງນາຍົກລັດຖະມົນຕີ ສະບັບເລກທີ 06/ນຍ, ຖ້າຫົວຫນ່ວຍແຮງງານໃດ ມີຄວາມຈໍາເປັນຕ້ອງໄດ້ແກ້ໄຂບັນຫາທີ່ພົວພັນໂດຍກົງກັບຜູ້ອອກແຮງງານ, ຫົວຫນ່ວຍແຮງງານນັ້ນ ຫຼື ອົງການ ຕາງຫນ້າຜູ້ໃຊ້ແຮງງານສາມາດປຶກສາຫາລືກັບຜູ້ອອກແຮງງານ ຫຼື ກັບອົງການຜູ້ຕາງຫນ້າຂອງຜູ້ອອກແຮງງານໄດ້, ແຕ່ຜົນຂອງການປຶກສາຫາລືນັ້ນໃຫ້ສະເຫນີມາຍັງ ກະຊວງແຮງງານ ແລະ ສະຫວັດດີການສັງຄົມ ເພື່ອພິຈາລະນາແກ້ ໄຂຕາມກົດຫມາຍ ແລະ ສອດຄ່ອງກັບສະພາບການທີ່ເກີດ ຂື້ນໃນແຕ່ລະໄລຍະ;
4. ພາຍຫຼັງສິ້ນສຸດກໍານົດເວລາ ທີ່ລັດຖະບານປະກາດໃຊ້ ຖ້າຫາກຫົວຫນ່ວຍແຮງງານໃດໄດ້ຮັບຜົນກະທົບ ຈາກພະຍາດ COVID-19 ໂດຍມີການຢັ້ງຢືນຈາກພາກສ່ວນທີ່ກ່ຽວຂ້ອງ ຊຶ່ງມີຄວາມຈໍາເປັນຕ້ອງໄດ້ແກ້ໄຂບັນ ຫາ ບໍ່ທີ່ກ່ຽວຂ້ອງກັບຜູ້ອອກແຮງງານ ເປັນຕົ້ນ, ການຢຸດກິດຈະການຊົ່ວຄາວ (ສາມາດປະຕິບັດຕາມ ມາດຕາ 111 ຂອງກົດຫມາຍວ່າດ້ວຍແຮງງານ), ການປິດກິດຈະການແບບຖາວອນ, ຫຼຸດຜ່ອນຈໍານວນຜູ້ອອກແຮງງານ, ການປັບ ປຸງສັນຍາແຮງງານ ທັງບຸກຄົນ ແລະ ລວມຫມູ່ ເພື່ອກໍານົດເງື່ອນໄຂໃນການເຮັດວຽກໃຫມ່ໃຫ້ສອດຄ່ອງກັບສະພາບ ຂອງທຸລະກິດນັ້ນ ຜູ້ໃຊ້ແຮງງານສາມາດປຶກສາຫາລື ຫຼື ເປີດການເຈລະຈາຕໍ່ລອງກັບຜູ້ອອກແຮງງານເປັນແບບລາຍ ບຸກຄົນ ຫຼື ແບບລວມຫມູ່ໄດ້ ຕາມທີ່ໄດ້ກໍານົດໄວ້ໃນດໍາລັດຂອງນາຍົກ ລັດຖະມົນຕີວ່າດ້ວຍການແກ້ໄຂຂໍ້ຂັດແຢງ ແຮງງານ ສະບັບເລກທີ 076/ລບ, ລົງວັນທີ 28 ກຸມພາ 2018, ຫມວດທີ 3 ມາດຕາ 11-14;
5. ຫົວຫນ່ວຍແຮງງານທີ່ຍັງເບີກຈ່າຍເງິນເດືອນ ຫຼື ຄ່າແຮງງານໃຫ້ຜູ້ອອກແຮງງານ ແມ່ນຕ້ອງໄດ້ມອບ ເງິນສົມທົບເຂົ້າກອງທຶນປະກັນສັງຄົມຕາມປົກກະຕິ ແລະ ຖ້າມີຄວາມຫຍຸ້ງຍາກດ້ານການເງິນ ແມ່ນສາມາດເລື່ອນ ມອບເງິນສົມທົບໄດ້ ສາມເດືອນ ເຊັ່ນ: ເງິນສົມທົບປະຈໍາເດືອນ ເມສາ ໃຫ້ເລື່ອນ ໄປມອບຊ້າສຸດບໍ່ໃຫ້ກາຍເດືອນ ກັນຍາ, ເງິນສົມທົບເດືອນ ພຶດສະພາ ບໍ່ໃຫ້ກາຍເດືອນ ຕຸລາ ແລະ ເງິນສົມທົບເດືອນ ມິຖຸນາ ບໍ່ໃຫ້ກາຍເດືອນພະຈິກ ປີ 2020, ສໍາລັບຫົວຫນ່ວຍແຮງງານທີ່ໄດ້ຢຸດດໍາເນີນກິດຈະການຊົ່ວຄາວ ແລະ ບໍ່ໄດ້ເປີກຈ່າຍເງິນເດືອນ ຫລື ຄ່າແຮງງານໃຫ້ແກ່ຜູ້ອອກແຮງງານຂອງຕົນ ໂດຍມີການຢັ້ງຢືນຈາກພາກສ່ວນທີ່ກ່ຽວຂ້ອງ ແມ່ນສາມາດໂຈະການ ມອບເງິນສົມທົບເຂົ້າ ກອງທຶນປະກັນສັງຄົມຕາມໄລຍະທິທາງການປະກາດມາດຕະການເທົ່ານັ້ນ;
6. ວຽກງານການປ້ອງກັນ ແລະ ແກ້ໄຂການແຜ່ລະບາດຂອງພະຍາດແມ່ນວຽກຫນຶ່ງທີ່ນອນຢູ່ໃນວຽກງານ ຄວາມປອດໄພ ແລະ ສຸຂະພາບແຮງງານຂອງຫົວຫນ່ວຍແຮງງານ, ດ້ວຍເຫດນັ້ນ, ຖ້າຫົວຫນ່ວຍແຮງງານໃດໄດ້ແຕ່ງ ຕັ້ງພະນັກງານ ຫຼື ຫນ່ວຍງານຮັບຜິດຊອບວຽກຄວາມປອດໄຟ ແລະ ສຸຂະພາບແຮງງານຂອງຫົວຫນ່ວຍແຮງງານຂື້ນ ມາແລ້ວ ກໍ່ໃຫ້ມອບວຽກປ້ອງກັນ ແລະ ແກ້ໄຂບັນຫາການແຜ່ລະບາດຂອງພະຍາດ COVID-19 ໃຫ້, ຖ້າຫົວ ຫນ່ວຍແຮງງານໃດຍັງບໍ່ໄດ້ແຕ່ງຕັ້ງກໍໃຫ້ຖືເອົາໂອກາດນີ້ໃນການແຕ່ງຕັ້ງຂຶ້ນຕາມທີ່ກໍານົດໄວ້ໃນມາດຕາ 123 ຂອງ ກົດຫມາຍວ່າດ້ວຍແຮງງານ;
7. ມອບໃຫ້ພະແນກແຮງງານ ແລະ ສະຫວັດດີການສັງຄົມແຂວງ, ນະຄອນຫຼວງວຽງຈັນ ເຜີຍແຜ່, ແນະນໍາ, ຕິດຕາມ, ກວດກາໃນການຈັດຕັ້ງປະຕິບັດ, ພ້ອມທັງລາຍງານໃຫ້ກະຊວງແຮງງານ ແລະ ສະຫວັດດີການສັງຄົມ ເປັນແຕ່ລະໄລຍະ;

div#mb_center,div#mb_bottom{ z - index: 9999; } div#mb_overlay{ z - index: 9999; }