ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 03/08/2020 ເວລາ 09:20


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 03/08/2020 ເວລາ 13:42

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ

ພາກລັດຖະກອນ
ແຜ່ນພັບພາກວິສາຫະກິດ
ແຜ່ນພັບພາກສະໝັກໃຈ

ຊົມເຊີຍຜົນສຳເລັດກອງປະຊຸມປະຈຳປີ 2019 ຂອງ ຫກປຊ.

altກອງປະຊຸມປະຈຳປີ 2019 ຂອງຫ້ອງການກອງທຶນປະກັນສັງຄົມແຫ່ງຊາດ ໄດ້ໄຂຂື້ນຢ່າງເປັນທາງການໃນຕອນເຊົ້າຂອງວັນທີ 15 ມັງກອນ 2020

ທີ່ຫ້ອງວ່າການປົກຄອງແຂວງຊຽງຂວາງ, ໂດຍການເປັນປະທານຂອງທ່ານ ປ.ອ ຄຳແພງ ໄຊສົມແພງ ເລຂາຄະນະພັກ ລັດຖະມົນຕີກະຊວງ ແຮງງານແລະສະຫວັດດີການສັງຄົມ ທັງເປັນປະທານສະພາບໍລິຫານຂອງ ຫກປຊ, ມີຄະນະອຳນວຍການ ຫກປຊ, ຄະນະກົມອ້ອມຂ້າງກະຊວງ ຮສສ, ຄະນະພະແນກ ຮສສ ແຂວງຊຽງຂວາງ, ຄະນະສູນບໍລິການກອງທຶນປະກັນສັງຄົມທົ່ວປະເທດ ພ້ອມດ້ວຍວິຊາການທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

ໃນໂອກາດດັ່ງກ່າວ, ທ່ານ ປະເດີມພອນ ສົນທະນີ ຜູ້ອຳນວຍການຂອງຫ້ອງການກອງທຶນປະກັນສັງຄົມແຫ່ງຊາດ ໄດ້ຂື້ນກ່າວຕ້ອນຮັບບັນດາຜູ້ແທນທີ່ເຂົ້າຮ່ວມກອງປະຊຸມ ພ້ອມທັງລາຍງານສະພາບລວມ ແລະ ວຽກງານພົ້ນເດັ່ນທີ່ຍາດມາໄດ້ໃນໄລຍະ 1 ປີຜ່ານມາ, ໂດຍທ່ານກ່າວວ່າ: ຫກປຊ ແມ່ນໜຶ່ງໃນບັນດາວຽກງານການຈັດຕັ້ງທີ່ຂື້ນກັບກະຊວງແຮງງານແລະສະຫວັດດີການສັງຄົມ, ໃນໄລຍະ 1 ປີທີ່ຜ່ານມາ ເຫັນໄດ້ເຖິງຄວາມພະຍາຍາມ ທຸ້ມເທເຫື່ອແຮງ ແລະ ສະຕິປັນຍາເຂົ້າໃນການຈັດຕັ້ງປະຕິບັດວຽກງານໃນຂົງເຂດຮັບຜິດຊອບຂອງຕົນດ້ວຍຄວາມຫ້າວຫັນ ແລະ ຄວາມຮັບຜິດຊອບສູງ, ເຫັນໄດ້ວ່າມີຫຼາຍຢ່າງສາມາດບັນລຸຄາດໝາຍຕາມແຜນທີ່ໄດ້ກໍານົດໄວ້ ແລະ ມີສິ່ງໃໝ່ໆຫຼາຍຢ່າງເກີດຂື້ນ, ເປັນຕົ້ນໃນສົກປີ 2019 ເປັນປີທີ່ໄດ້ປະຕິບັດກົດໝາຍສະບັບປັບປຸງ ມີການໂຄສະນາເຜີຍແຜ່ກ່ຽວກັບນິຕິກຳທີ່ມີການປັບປຸງໃໝ່ໃຫ້ສັງຄົມຮັບຮູ້ຢ່າງກ້ວາງຂວາງ, ການໃຫ້ບໍລິການວຽກງານປະກັນສັງຄົມກໍ່ໄດ້ຮັບການປັບປຸງໃຫ້ດີຂື້ນເທື່ອລະກ້າວໂດຍໄດ້ສ້າງລະບົບທົດລອງການໃຫ້ບໍລິການຜ່ານປະຕູດຽວຢູ່ສຳນັກງານໃຫຍ່ ແລະ ໄດ້ຮັບຄຳຊົມເຊີຍຈາກຜູ້ມາໃຊ້ບໍລິການ, ໄດ້ທົດລອງວຽກບໍລິການຄັງເງິນສົມທົບຂອງຜູ້ປະກັນຕົນສະໝັກໃຈຜ່ານທະນາຄານພັດທະນາລາວ ເປັນອີກໜຶ່ງຊ່ອງທາງທີ່ອຳນວຍຄວາມສະດວກໃຫ້ຜູ້ປະກັນຕົນ, ການໂອນເງິນຄືນສຳລັບອຸດໜູນໄລຍະຍາວໃຫ້ກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບເປັນຜູ້ຄຸ້ມຄອງຕາມແນວທາງນະໂຍບາຍຂອງພັກແລະລັດຖະບານ, ການມອບວຽກປະກັນສຸຂະພາບໃຫ້ຫ້ອງການປະກັນສຸຂະພາບແຫ່ງຊາດ ກະຊວງສາທາລະນະສຸກກໍ່ໄດ້ຮັບການຈັດຕັ້ງປະຕິບັດ; ຄຽງຄູ່ກັນນັ້ນ ພະນັກງານທັງຂັ້ນສູນກາງ ແລະ ທ້ອງຖິ່ນ ຕ້ອງໄດ້ພ້ອມກັນສຸມໃສ່ການປະຕິບັດຕົວເລກຄາດໝາຍສູ້ຊົນໃນປີ 2020 ໃຫ້ບັນລຸຕາມແຜນທີ່ກຳນົດໄວ້, ສືບຕໍ່ປະສານສົມທົບການພົວພັນຮ່ວມມືທັງພາຍໃນແລະພາຍນອກ, ຄົ້ນຄວ້າເພື່ອແກ້ໄຂບັນດາຊ່ອງວ່າງທາງດ້ານນິຕິກຳ ພ້ອມທັງສະກັດກັ້ນປະກົດການຫຍໍ້ທໍ້ຕ່າງໆໃນປີ 2020 ຢ່າງຕັ້ງໜ້າ. ຈາກນັ້ນ, ກອງປະຊຸມໄດ້ຮັບຟັງການລາຍງານສະຫຼຸບຕີລາຄາການຈັດຕັ້ງປະຕິບັດວຽກງານໃນປີ 2019 ຂອງ ຫກປຊ ໂດຍທ່ານ ນາງ ບົວຫອມ ພົມມະຈັນ ຮອງຜູ້ອຳນວຍການ ຫກປຊ ວ່າ: ໃນປີ 2019 ຫກປຊ ສາມາດຂື້ນທະບຽນວິສາຫະກິດໃໝ່ທັງໝົດ 216 ຫົວໜ່ວຍ ເທົ່າກັບ 64%ຂອງແຜນການ, ມີຜູ້ປະກັນຕົນໃໝ່ 33.182 ຄົນ ໃນນັ້ນພາກວິສາຫະກິດມີ 26.548 ຄົນ ແລະພາກລັດ 4.186 ຄົນ, ເຊິ່ງມາຮອດປັດຈຸບັນມີຜູ້ປະກັນຕົນທັງໝົດ 310.774 ຄົນ ແລະໃນປີ 2020 ຄາດໝາຍສູ້ຊົນການຂື້ນທະບຽນໃຫ້ຫົວໜ່ວຍແຮງງານເຂົ້າໃໝ່ໃຫ້ໄດ້ 340 ຫົວໜ່ວຍ, ແລະຜູ້ປະກັນຕົນໃນຫົວໜ່ວຍແຮງງານໃໝ່ໃຫ້ໄດ້ 42.000 ຄົນ.

ທ່ານ ປ.ອ ຄຳແພງ ໄຊສົມແພງ ລັດຖະມົນຕີກະຊວງ ແຮງງານແລະສະຫວັດດີການສັງຄົມ ທັງເປັນປະທານສະພາບໍລິຫານຂອງ ຫກປຊ ໃນນາມປະທານກອງປະຊຸມໄດ້ມີຄຳເຫັນວ່າ: ບັນດາຜົນງານທີ່ກ່າວມານັ້ນ ເປັນພຽງຜົນສຳເລັດຂັ້ນພື້ນຖານ ເພື່ອເປັນການປູທາງໃຫ້ແກ່ການປັບປຸງ ແລະ ພັດທະນາລະບົບປະກັນສັງຄົມໃຫ້ດີຂື້ນໄປເລື້ອຍໆ, ສາມາດຂະຫຍາຍອັດຕາການປົກຄຸ້ມລະບົບປະກັນສັງຄົມໃຫ້ກ້ວາງຂວາງ ແລະ ທົ່ວເຖິງຕາມແນວທາງນະໂຍບາຍຂອງພັກ ແລະ ແຜນພັດທະນາເສດຖະກິດສັງຄົມຂອງລັດ ເຊິ່ງການທີ່ຈະບັນລຸອັດຕາການປົກຄຸມລະບົບປະກັນສັງຄົມ ຕໍ່ບັນດາເປົ້າໝາຍວິສາຫະກິດທີ່ມີຜູ້ອອກແຮງງານແຕ່ 5 ຄົນຂື້ນໄປ ໃຫ້ໄດ້ 90% ໃນປີ 2020 ນີ້ຖືວ່າເປັນພາລະກິດອັນໃຫຍ່ຫຼວງ ແລະ ເປັນສິ່ງທ້າທາຍຂອງຂະແໜງແຮງງານແລະສະຫວັດດີການສັງຄົມທັງຂັ້ນສູນກາງແລະທ້ອງຖິ່ນ, ເວົ້າລວມ ເວົ້າສະເພາະ ກໍ່ແມ່ນວຽກງານກອງທຶນປະກັນສັງຄົມໃນແຕ່ລະຂັ້ນຕ້ອງໄດ້ເປັນເຈົ້າການເຊີດຊູຄວາມຮັບຜິດຊອບຂອງຕົນໃນການຈັດຕັ້ງປະຕິບັດວຽກງານໃຫ້ມີຜົນສຳເລັດ.

ພາບ-ຂ່າວ: ພະແນກປະຊາສຳພັນ


div#mb_center,div#mb_bottom{ z - index: 9999; } div#mb_overlay{ z - index: 9999; }