ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 13/07/2020 ເວລາ 10:00


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 13/07/2020 ເວລາ 11:17

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ

ພາກລັດຖະກອນ
ແຜ່ນພັບພາກວິສາຫະກິດ
ແຜ່ນພັບພາກສະໝັກໃຈ

ກອງປະຊຸມໃຫຍ່ຜູ້ແທນຊາວໜຸ່ມ ກະຊວງແຮງງານ ແລະ ສະຫວັດດີການສັງຄົມ ຄັ້ງທີ VI.

altກອງປະຊຸມຄັ້ງປະຖົມມະລືກຂອງຄະນະບໍລິຫານງານຊາວໜຸ່ມກະຊວງແຮງງານ ແລະ ສະຫວັດດີການສັງຄົມ ສະໄໝທີ VI, ພາຍໃຕ້ການເປັນປະທານຂອງ

ສະຫາຍ ພົງໄຊສັກ ອິນຖາລາດ ກໍາມະການຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ແລະ ໂດຍໃຫ້ກຽດເຂົ້າຮວ່ມຂອງ ສະຫາຍ ຄຳແພງ ໄຊສົມແພງ ກໍາມະການສູນກາງພັກ, ເລຂາຄະນະພັກກະຊວງ, ລັດຖະມົນຕີກະ ຊວງແຮງງານ ແລະ ສະຫວັດດີການສັງຄົມ, ສະຫາຍ ບຸນຕາ ເທບພະວົງ ຮອງເລຂາຄະນະບໍລິຫານງານສູນກາງຊາວ ໜຸ່ມປະຊາຊົນປະຕິວັດລາວ, ມີບັນດາຜູ້ແທນຊາວໜຸ່ມກະຊວງຮສສ ຈຳນວນ 123 ສະຫາຍ, ພ້ອມດວ້ຍແຂກຖືກເຊີນ ເຂົ້າຮວ່ມ ຢ່າງພ້ອມພຽງ.

ກອງປະຊຸມໃຫຍ່ຜູ້ແທນຊາວໜຸ່ມ ກະຊວງແຮງງານ ແລະ ສະຫວັດດີການສັງຄົມ (ຮສສ) ຄັ້ງທີ VI ໄດ້ຈັດຂຶ້ນໃນວັນທີ 26 ທັນວາ 2019 ເພື່ອສະຫລຸບຕີລາຄາຄືນການເຄື່ອນໄຫວວຽກງານຮອບດ້ານ ໃນໄລຍະ 5 ປີ ຜ່ານມາ ໂດຍສະເພາະວຽກງານສຶກສາອົບຮົມການເມືອງແນວຄິດ, ການປັບປຸງການຈັດຕັ້ງ, ກໍ່ສ້າງການຈັດຕັ້ງ ແລະ ການຂະຫຍາຍສະມາຊິກຊາວໜຸ່ມ, ການປະຕິບັດຂໍ້ແຂ່ງຂັນ 4 ບຸກ, ການເຂົ້າຮ່ວມຂະບວນການຕ່າງໆ ລວມທັງວຽກງານປົກປ້ອງສິດຜົນປະໂຫຍດຂອງຊາວໜຸ່ມ ແລະ ການປະກອບສ່ວນ ໃນການປະຕິບັດໜ້າທີ່ວິຊາສະເພາະ.
ຕະຫລອດໄລຍະ 5 ປີຜ່ານມາ ຄະນະບໍລິຫານງານຊາວໜຸ່ມ ຮສສ ໄດ້ເອົາໃຈໃສ່ ໃນການປຸກລະດົມ, ຊຸກຍູ້ໜ່ວຍຊາວໜຸ່ມ ແລະ ສະມາຊິກຊາວໜຸ່ມ ປະກອບສ່ວນເຂົ້າໃນການເຄື່ອນໄຫວ ຂະບວນການຕ່າງໆ ຕາມພາລະບົດບາດ ແລະ ການຊີ້ນຳຂອງຄະນະພັກກະຊວງ, ຕັ້ງໜ້າສຸມສະຕິປັນຍາ, ຄວາມຮູ້ຄວາມສາມາດ ແລະ ຍົກສູງຄວາມຮັບຜິດຊອບຂອງຕົນ ໃນການຜັນຂະຫຍາຍມະຕິ ຂອງກອງປະຊຸມໃຫຍ່ອົງຄະນະພັກກະຊວງຄັ້ງທີ V ແຜນພັດທະນາແຮງງານ ແລະ ສະຫວັດດີການສັງຄົມ. ພ້ອມນັ້ນ, ຍັງໄດ້ເອົາໃຈໃສ່ຢ່າງຕັ້ງໜ້າ, ເປັນກຳລັງຕົ້ນຕໍ ແລະ ຍົກສູງຄວາມເປັນແບບຢ່າງໃນວຽກງານປ້ອງກັນຄວາມສະຫງົບ.
ຄະນະຊາວໜຸ່ມ ຮສສ ໄດ້ເອົາໃຈໃສ່ເຄື່ອນໄຫວປະກອບສ່ວນ ໃນວຽກງານຕ່າງໆ ເປັນຕົ້ນ ວຽກງານສາມສ້າງ, ການສ້າງບ້ານພັດທະນາດ້ານແຮງງານ ແລະ ສະຫວັດດີການຢ່າງແຂງແຮງ, ເປັນເຈົ້າການສົມທົບກັບພາກສ່ວນກ່ຽວຂ້ອງ ໃນການຝຶກ ແລະ ພັດທະນາ ສີມືແຮງງານ 5 ປີ ຜ່ານມາໄດ້ທັງໝົດ 336.788 ຄົນ, ຍິງ 149.596 ຄົນ, ປະກອບສ່ວນເຂົ້າໃນການຈັດສົ່ງແຮງງານລາວໄປເຮັດວຽກຢູ່ຕ່າງປະເທດ ໄດ້ 540.621 ຄົນ, ຍິງ 238.762 ຄົນ.
ປັດຈຸບັນຄະນະບໍລິຫານງານຊາວໜຸ່ມ ຮສສ ມີໜ່ວຍຊາວໜຸ່ມທັງໝົດ 16 ໜ່ວຍ, ເພີ່ມຂຶ້ນ 6,66% ແລະ ສາມາດຂະຫຍາຍສະມາຊິກຊາວໜຸ່ມໃໝ່ໄດ້ 128 ຄົນ, ຍິງ 39 ຄົນ, ເຮັດໃຫ້ຊາວໜຸ່ມ ຮສສ ມີສະມາຊິກທັງໝົດ 703 ຄົນ, ຍິງ 311 ຄົນ.
ກອງປະຊຸມດັ່ງກ່າວຍັງໄດ້ເລືອກຕັ້ງເອົາຄະນະປະຈໍາ ຊຸດໃໝ່ ດ້ວຍການລົງຄະແນນສຽງໂດຍກົງຈໍານວນ 05 ສະຫາຍຄື:
1. ສະຫາຍ ສະຫາຍ ຄຳໄຊ ເຊ່ຍຢີ້ງຢ່າງ ເປັນເລຂາຄະນະບໍລິຫານງານຊາວໜຸ່ມກະຊວງ ຮສສ
2. ສະຫາຍ ນາງ ແວວມະນີ ຄຳຜາຍ ເປັນຮອງເລຂາຄະນະບໍລິຫານງານຊາວໜຸ່ມກະຊວງ ຮສສ.
3. ສະຫາຍ ຄອນສີ ມະຫາວົງ ເປັນຮອງເລຂາຄະນະບໍລິຫານງານຊາວໜຸ່ມກະຊວງ ຮສສ.

ແລະ ເລືອກຕັ້ງເອົາປະທານ ແລະ ຮອງປະທານກວດກາ ຂອງຄະນະບໍລິຫານງານຊາວໜຸ່ມຄື:

1. ສະຫາຍ ຄອນສີ ມະຫາວົງ ເປັນປະທານກວດກາ.
2. ສະຫາຍ ນາງ ວິໄລວັນ ຈັນທະມາລີ ເປັນຮອງປະທານ
3. ສະຫາຍ ທັດສະພອນ ຄຳພັນ ເປັນຮອງປະທານ.
. ກອງປະຊຸມໃຫຍ່ໄດ້ຮັບກຽດ ຢ່າງສູງທີ່ໄດ້ຕ້ອນຮັບ ແລະ ຮັບຟັງການໂອ້ລົມຈາກ ສະຫາຍ ບຸນຕາ ເທບພະວົງ, ເຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດການຊີ້ນໍາໆພາຂອງຄະນະບໍລິຫານງານຊາວໜຸ່ມກະຊວງຊຸດເກົ່າ ແລະ ໃໝ່ ໃນການນໍາພາຈັດຕັ້ງປະຕິບັດໜ້າທີ່ການເມືອງທີ່ມະຕິກອງປະຊຸມໃຫຍ່ຜູ້ແທນຊາວໜຸ່ມກະຊວງແຮງງານ ແລະ ສະຫວັດດີການສັງຄົມ, ມີຜົນສໍາເລັດຫຼາຍດ້ານ. ພ້ອມນັ້ນສະຫາຍຍັງໄດ້ສະແດງຄວາມເປັນຫ່ວງເປັນໄຍຕໍ່ກັບ ດ້ານອ່ອນ - ຂໍ້ຄົງຄ້າງ, ຊຶ່ງສະຫາຍໄດ້ຮຽກຮ້ອງໃຫ້ຄະນະບໍລິຫານງານຊາວໜຸ່ມກະຊວງຊຸດໃໝ່ ຈະຕ້ອງໄດ້ສືບຕໍ່ປັບປຸງ, ແກ້ໄຂ. ຈາກນັ້ນສະຫາຍກໍ່ໄດ້ໃຫ້ທິດຊີ້ນຳອັນສຳຄັນ ແລະ ລໍ້າຄ່າໃນທາງທີ່ສ້າງສັນ ໃຫ້ແກ່ການຫັນເອົາເນື້ອໃນຈິດໃຈມະຕິກອງປະຊຸມໃຫຍ່ຜູ້ແທນຊາວໜຸ່ມກະຊວງແຮງງານ ແລະ ສະຫວັດດີສັງຄົມ ຄັ້ງທີ VI ເຂົ້າສູ່ການຊີ້ນຳໆພາຈັດຕັ້ງປະຕິບັດໃນຂົງເຂດ ວຽກງານຂອງຊາວໜຸ່ມທົ່ວກະຊວງແຮງ ງານ ແລະ ສະຫວັດດີການສັງຄົມໃນຕໍ່ໜ້າໃຫ້ມີຜົນສໍາເລັດໃຫ່ຍຫຼວງກວ່າເກົ່າ.

ແຫຼ່ງຂ່າວມາຈາກ: ຂ່າວສານແຮງງານແລະສະຫວັດດີການສັງຄົມ.

div#mb_center,div#mb_bottom{ z - index: 9999; } div#mb_overlay{ z - index: 9999; }