ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 06/04/2020 ເວລາ 09:45


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 06/04/2020 ເວລາ 11:46

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ

ພາກລັດຖະກອນ
ແຜ່ນພັບພາກວິສາຫະກິດ
ແຜ່ນພັບພາກສະໝັກໃຈ

ຂ່າວດີ! ສໍາລັບຜູ້ປະກັນຕົນສະໝັກໃຈແຂວງວຽງຈັນ ສາມາດຊໍາລະເງິນປະກັນສັງຄົມຜ່ານ ທພລ.

altໃນຕອນບ່າຍຂອງວັນທີ 25 ຕຸລາ 2019 ທີ່ ສູນບໍລິການກອງທຶນປະກັນສັງຄົມແຂວງວຽງຈັນ ໄດ້ມີພິທີເປີດໂຕລະບົບຮັບຊໍາລະເງິນປະກັນສັງຄົມຂອງຜູ້ປະກັນຕົນສະໝັກໃຈ ແຂວງວຽງຈັນ

ຜ່ານລະບົບທະນາຄານພັດທະນາລາວ ຢ່າງເປັນທາງການ, ໂດຍການເຂົ້າຮ່ວມເປັນສັກຂີພະຍານ ແລະ ຂື້ນຕັດແທບຜ້າຂອງທ່ານ ພຸດສາລາ ອົມດາລາ ຮອງຜູ້ອຳນວຍການທະນາຄານພັດທະນາລາວ, ທ່ານ ບຸນຍອດ ຈັນທະວອນ ຮອງຜູ້ອຳນວຍການ ຫກປຊ, ທ່ານ ສຸລິໄຊ ທິບວົງໄຊ ຫົວໜ້າທະນາຄານພັດທະນາລາວ ສາຂາໂພນໂຮງ ແລະ ທ່ານ ທອງໃບ ວົງຜາສຸກ ຫົວໜ້າສູນບໍລິການກອງທຶນປະກັນສັງຄົມ ແຂວງວຽງຈັນ, ມີບັນດາຜູ້ຕາງໜ້າຈາກຫ້ອງວ່າການແຂວງ, ພະແນກ ຮສສ ແຂວງ, ນາຍບ້ານອ້ອມຂ້າງ, ບັນດາຫົວໜ່ວຍວິສາຫະກິດ, ຄະນະພະແນກ, ຂະແໜງ, ວິຊາການທີ່ກ່ຽວຂ້ອງ ພ້ອມດ້ວຍສື່ມວນຊົນເຂົ້າຮ່ວມຢ່າງພ້ອມພຽງ.
ໃນພິທີ ທ່ານ ສຸລິໄຊ ທິບວົງໄຊ ຫົວໜ້າທະນາຄານພັດທະນາລາວ ສາຂາໂພນໂຮງ ໄດ້ຂື້ນກ່າວຈຸດປະສົງ ແລະ ຄວາມໝາຍຄວາມສໍາຄັນວຽກງານດັ່ງກ່າວວ່າ: ການຮ່ວມມືກັນລະຫວ່າງ ຫກປຊ ແລະ ທພລ ໃນຄັ້ງນີ້ ກໍ່ເພື່ອເປັນການນໍາເອົາເທັກໂນໂລຢີທີ່ທັນສະໄໝເຂົ້າມາໝູນໃຊ້ໃນການຊຳລະສະສາງເງິນປະກັນສັງຄົມ ແນໃສ່ສ້າງຄວາມສະດວກສະບາຍໃຫ້ແກ່ຜູ້ປະກັນຕົນສາມາດຊຳລະໄດ້ຫຼາຍຊ່ອງທາງ ທັງເປັນການປະກອບສ່ວນການຫຼຸດຜ່ອນການນໍາໃຊ້ເງິນສົດໃນການຊຳລະສະສາງຕາມແນວທາງນະໂຍບາຍທີ່ຂັ້ນເທິງວາງອອກ ເພື່ອຮັບປະກັນຄວາມຖືກຕ້ອງວອງໄວ ແລະ ປະຢັດຄ່າໃຊ້ຈ່າຍ, ຊຶ່ງການບໍລິການດັ່ງກ່າວໄດ້ເລີ່ມຕົ້ນໃຫ້ບໍລິການສຳລັບຜູ້ປະກັນຕົນສະໝັກໃຈຢູ່ນະຄອນຫຼວງວຽງຈັນນັບແຕ່ວັນທີ 11 ເມສາ 2018 ເປັນຕົ້ນມາ, ແລະ ນັບແຕ່ມື້ນີ້ເປັນຕົ້ນໄປຜູ້ສະໝັກໃຈຢູ່ແຂວງວຽງຈັນ ກໍ່ຈະສາມາດຊຳລະເງິນປະກັນສັງຄົມໄດ້ທຸກຊ່ອງທາງຂອງ ທພລ ຄືກັບຜູ້ປະກັນຕົນສະໝັກໃຈຢູ່ນະຄອນຫຼວງວຽງຈັນ ກໍ່ຄືການຊໍາລະຜ່ານປ່ອງບໍລິການ ທພລ ທົ່ວປະເທດ ແລະ ຜ່ານ LDB trust ຂອງ ທພລ ນໍາອີກ; ນອກນັ້ນ ທ່ານຍັງໃຫ້ຮູ້ຕື່ມວ່າ: ທພລ ເປັນທະນາຄານທຸລະກິດຂອງລັດ ດໍາເນີນທຸລະກິດໂດຍກະຊວງການເງິນຖືຮຸ້ນ 100% ພາຍໃຕ້ການຄຸ້ມຄອງຮອບດ້ານຂອງທະນາຄານແຫ່ງ ສປປ ລາວ, ດໍາເນີນທຸລະກິດໃຫ້ສອດຄ່ອງຕາມກົດໝາຍຂອງ ສປປ ລາວ, ທພລ ສ້າງຕັ້ງຂື້ນໃນວັນທີ 9 ເມສາ 2003 ປັດຈຸບັນມີສຳນັກງານໃຫຍ່ຢູ່ນະຄອນຫຼວງວຽງຈັນ, ມີ 18 ສາຂາ, ມີ 79 ໜ່ວຍບໍລິການ, ມີ 18 ໜ່ວຍແລກປ່ຽນຢູ່ບັນດາແຂວງບັນດາເມືອງບ່ອນຊຸມຊົນ ທີ່ພ້ອມໃຫ້ບໍລິການແກ່ສັງຄົມໃນຂອບເຂດທົ່ວປະເທດ.
ໃນໂອກາດດັ່ງກ່າວ, ທ່ານ ທອງໃບ ວົງຜາສຸກ ຫົວໜ້າສູນບໍລິການກອງທຶນປະກັນສັງຄົມ ແຂວງວຽງຈັນ ໄດ້ໃຫ້ຮູ້ວ່າ: ປັດຈຸບັນທົ່ວແຂວງວຽງຈັນ ມີສະມາຊິກປະກັນສັງຄົມທັງໝົດ 39.731 ຄົນ, ໃນນີ້: ລັດຖະກອນ 29.179 ຄົນ, ພາກວິສາຫະກິດ 10.552 ຄົນ ແລະ ສະໝັກໃຈ 600 ກວ່າຄົນ; ຊຶ່ງໃນເມື່ອກ່ອນ ການຊໍາລະເງິນປະກັນສັງຄົມຂອງຜູ້ສະໝັກໃຈ ສາມາດຊໍາລະໄດ້ພຽງ 2 ຊ່ອງທາງ ຄື: ການຊໍາລະຢູ່ ສກປສ ແຂວງວຽງຈັນ ແລະການໂອນເຂົ້າບັນຊີຢູ່ບາງທະນາຄານ ທີ່ ສກປສ ແຂວງວຽງຈັນ ໄດ້ເປີດບັນຊີໄວ້, ຊຶ່ງເຫັນໄດ້ວ່າ ຜູ້ສະໝັກໃຈຢູ່ເຂດຫ່າງໄກຍັງມີຄວາມຫຍຸ້ງຍາກໃນການຊໍາລະເງິນປະກັນສັງຄົມໃນແຕ່ລະເດືອນ, ຈົນມາເຖິງທ້າຍກັນຍາ 2019 ທາງ ທພລ ແລະ ຫກປຊ ຈິ່ງໄດ້ເລີ່ມທົດລອງການຊໍາລະເງິນປະກັນສັງຄົມແບບສະໝັກໃຈ ຜ່ານລະບົບທະນາຄານພັດທະນາລາວ ສາຂາໂພນໂຮງ ແລະ ຫຼາຍໜ່ວຍບໍລິການພາຍໃນແຂວງ, ຊຶ່ງຜ່ານການທົດລອງເຫັນໄດ້ວ່າຜູ້ປະກັນຕົນສະໝັກໃຈ ມີຄວາມສະດວກຫຼາຍຂື້ນໃນການຊໍາລະເງິນດັ່ງກ່າວ.
ສໍາລັບແຂວງວຽງຈັນ ຖືວ່າເປັນແຂວງທໍາອິດໃນ 17 ແຂວງ ທີ່ໃຫ້ຜູ້ປະກັນຕົນສະໝັກໃຈ ສາມາດຊໍາລະເງິນປະກັນສັງຄົມຜ່ານລະບົບຂອງທະນາຄານພັດທະນາລາວໄດ້ຕາມປ່ອງບໍລິການ ຂອງ ທພລ ທົ່ວປະເທດ ແລະ ຊໍາລະຜ່ານມືຖືດ້ວຍ LDB Trust ແລະໃນອານາຄົດ ຈະມີການຂະຫຍາຍໄປສູ່ຜູ້ປະກັນຕົນສະໝັກໃຈຢູ່ບັນດາແຂວງໃນຂອບເຂດທົ່ວປະເທດ.

ພາບ-ຂ່າວ: ພະແນກປະຊາສໍາພັນ


div#mb_center,div#mb_bottom{ z - index: 9999; } div#mb_overlay{ z - index: 9999; }