ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 09/09/2019 ເວລາ 13:34


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 02/09/2019 ເວລາ 11:05

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ພິທີເຊັນສັນຍາບົດບັນທຶກການມອບໂອນວຽກງານປະກັນສຸຂະພາບ ໃຫ້ຫ້ອງການປະກັນສຸຂະພາບແຫ່ງຊາດ.

altເພື່ອຄວາມເປັນເອກະພາບໃນການຈັດຕັ້ງປະຕິບັດວຽກງານປະກັນສຸຂະພາບພາຍໃຕ້ກົດໝາຍວ່າດ້ວຍການປະກັນສັງຄົມ ໃນການສະໜອງບໍລິການປິ່ນປົວສຸຂະພາບໃຫ້ຜູ້ປະກັນຕົນ ແລະ ຄອບຄົວຢ່າງຕໍ່ເນື່ອງ, ມີຄຸນນະພາບ, ເປັນທີ່ເພິ່ງພໍໃຈ

ແລະ ເຊື່ອໝັ້ນຂອງສັງຄົມຫຼາຍຂື້ນເພື່ອກ້າວໄປສູ່ການປະກັນສຸຂະພາບທົ່ວປວງຊົນ. ໃນຕອນເຊົ້າ ຂອງວັນທີ 05 ກໍລະກົດ 2019 ທີ່ ກະຊວງສາທາລະນະສຸກ ໄດ້ມີພິທີເຊັນສັນຍາບົດບັນທຶກການມອບ-ຮັບ ວຽກອຸດໜູນປິ່ນປົວສຸຂະພາບ ລະຫວ່າງ ຫ້ອງການປະກັນສຸຂະພາບແຫ່ງຊາດ ກະຊວງສາທາລະນະສຸກ, ຫ້ອງການກອງທຶນປະກັນສັງຄົມແຫ່ງຊາດ ກະຊວງແຮງງານແລະສະຫວັດດີການສັງຄົມ, ແລະ ກົມໃຫຍ່ການເມືອງ ກະຊວງປ້ອງກັນຄວາມສະຫງົບ, ໂດຍການເປັນປະທານຮ່ວມຂອງທ່ານ ຮຈ ດຣ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ, ທ່ານ ປອ ຄຳແພງ ໄຊສົມແພງ ກຳມະການສູນກາງພັກ ລັດຖະມົນຕີກະຊວງ ຮສສ, ທ່ານ ປອ ພົນຕີ ສົມຫວັງ ທຳມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບ, ໃຫ້ກຽດເຂົ້າຮ່ວມລົງນາມເຊັນສັນຍາບົດບັນທຶກການມອບ-ຮັບວຽກງານປະກັນສຸຂະພາບ ໂດຍທ່ານ ປອ ບຸນແຝງ ພູມມະໄລສິດ ຫົວໜ້າຫ້ອງການປະກັນສຸຂະພາບແຫ່ງຊາດ, ທ່ານ ປະເດີມພອນ ສົນທະນີ ຜູ້ອຳນວຍການ ຫ້ອງການກອງທຶນປະກັນສັງຄົມແຫ່ງຊາດ, ທ່ານ ພົນຕີ ວັນທອງ ກອງມະນີ ຫົວໜ້າກົມໃຫຍ່ການເມືອງ ປ້ອງກັນຄວາມສະຫງົບ, ນອກນັ້ນ ຍັງມີຄະນະກົມ, ຄະນະຫ້ອງການ, ຄະນະພະແນກ ພ້ອມດ້ວຍພະນັກງານວິຊາການຂອງທັງ 3 ກະຊວງ ເຂົ້າຮ່ວມຢ່າງພ້ອມພຽງ.
ໃນພິທີ ທ່ານ ປອ ຄຳແພງ ໄຊສົມແພງ ລັດຖະມົນຕີ ກະຊວງ ຮສສ ໄດ້ກ່າວວ່າ: ວຽກປະກັນສຸຂະພາບຖືບຸລິມະສິດໜຶ່ງທີ່ຕິດພັນກັບວຽກງານລວມ ແລະ ຄາດໝາຍສູ້ຊົນຂອງລັດຖະບານ ເພື່ອກ້າວໄປສູ່ການພັດທະນາແບບຍື່ນຍົງເຮັດໃຫ້ປະເທດລາວຫຼຸດພົ້ນອອກຈາກສະພາບຄວາມດ້ອຍພັດທະນາໃນປີ 2020, ພ້ອມທັງເປັນການຂະຫຍາຍຕາໜ່າງການປົກຄຸມວຽກງານປະກັນສຸຂະພາບໃຫ້ກວມເອົາ 80% ຂອງພົນລະເມືອງລາວໃນປີດຽວກັນ, ນອກນັ້ນທ່ານຍັງໄດ້ຮຽກຮ້ອງໃຫ້ທຸກພາກສ່ວນຈົ່ງພ້ອມກັນເປັນເຈົ້າການຈັດຕັ້ງປະຕິບັດວຽກງານດັ່ງກ່າວໃຫ້ປາກົດຜົນເປັນຈິງ.
ທ່ານ ປອ ພົນຕີ ສົມຫວັງ ທຳມະສິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ກ່າວວ່າ: ການຮ່ວມມືກັນຂອງ 3 ພາກສ່ວນ ກໍ່ຄື 3 ກະຊວງໃນຄັ້ງນີ້ ຈະເປັນອີກໜຶ່ງບາດກ້າວສຳຄັນໃນການພັດທະນາວຽກງານປະກັນສັງຄົມ ແລະ ການປະກັນສຸຂະພາບໃຫ້ດີຂື້ນໄປເລື້ອຍໆ, ຄຽງຄູ່ກັບການຍົກລະດັບຄວາມຮູ້ຄວາມສາມາດໃຫ້ແກ່ພະນັກງານ ປກສ ຂອງຕົນ ເພື່ອປະກອບຮັບໃຊ້ເຂົ້າໃນການຈັດຕັ້ງປະຕິບັດວຽກງານດັ່ງກ່າວຢ່າງມີຜົນສຳເລັດ.
ໃນໂອກາດດຽວກັນ, ທ່ານ ຮຈ ດຣ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ ໄດ້ກ່າວຕື່ມວ່າ: ການປະຕິບັດວຽກງານປະກັນສຸຂະພາບ ແມ່ນຈັດຕັ້ງ ແລະຜັນຂະຍາຍຕາມມະຕິກອງປະຊຸມໃຫຍ່ຄັ້ງທີ X ຂອງພັກ ທີ່ໄດ້ກຳນົດໄວ້ໃນປີ 2025 ໃຫ້ບັນລຸການປະກັນສຸຂະພາບທົ່ວປວງຊົນໃນຂອບເຂດທົ່ວປະເທດ, ເຊິ່ງໄລຍະຜ່ານມາ ກະຊວງສາທາລະນະສຸກ ແລະ ກະຊວງ ຮສສ ກໍ່ໄດ້ຮ່ວມມືກັນຄົ້ນຄວ້າປຶກສາຫາລືໃນຫຼາຍຮູບການເພື່ອຂະຫຍາຍຕາໜ່າງການຄຸ້ມຄອງທາງດ້ານສະຫວັດດີການ ແລະ ປະກັນສຸຂະພາບ, ຄຽງຄູ່ກັບການເອົາໃຈໃສ່ຂອງພັກ-ລັດຖະບານ ໃນການສ້າງກົດໝາຍເພື່ອເຮັດໃຫ້ທຸກຄົນໄດ້ຮັບການຄຸ້ມຄອງການປິ່ນປົວສຸຂະພາບຢ່າງມີປະສິດທິພາບ ແລະ ທົ່ວເຖິງຍິ່ງຂື້ນ.
ການລົງນາມບົດບັນທຶກໃນຄັ້ງນີ້ ແມ່ນເປັນຜົນສໍາເລັດຂັ້ນເບື້ອງຕົ້ນໃນການມອບໂອນວຽກງານປະກັນສຸຂະພາບໃຫ້ຫ້ອງການປະກັນສຸຂະພາບແຫ່ງຊາດ ກະຊວງສາທາລະນະສຸກ ເຊິ່ງທັງ 3 ພາກສ່ວນຍັງຕ້ອງໄດ້ສືບຕໍ່ໃຫ້ການຮ່ວມມືເຊິ່ງກັນແລະກັນ ເພື່ອການພັດທະນາ ແລະ ປັບປຸງລະບົບດັ່ງກ່າວໃຫ້ດີຍິ່ງຂື້ນ ໂດຍອີງໃສ່ພາລະບົດບາດຂອງຕົນ ເປັນຕົ້ນແມ່ນ ຫ້ອງການກອງທຶນປະກັນສັງຄົມແຫ່ງຊາດ ສືບຕໍ່ໂຄສະນານະໂຍບາຍປະກັນສັງຄົມເພື່ອຂະຫຍາຍກຸ່ມເປົ້າໝາຍ ໂດຍໃຫ້ມີການຂື້ນທະບຽນ, ເກັບກຳຂໍ້ມູນສະມາຊິກໃຫ້ຖືກຕ້ອງຊັດເຈນ, ສະໜອງເງິນອຸດໜູນທັນຕາມກຳນົດເວລາ, ຄົ້ນຄວ້າປັບປຸງນິຕິກຳເພື່ອແກ້ໄຂບັນຫາທີ່ເປັນຊ່ອງວ່າງ ແລະ ປະກົດການຫຍໍ້ທໍ້ຕ່າງໆ; ສ່ວນຫ້ອງການປະກັນສຸຂະພາບແຫ່ງຊາດ ສືບຕໍ່ປັບປຸງຂອດການປະສານງານກັບບັນດາໂຮງໝໍໃນຂອບເຂດທົ່ວປະເທດ, ພ້ອມທັງແກ້ໄຂຂໍ້ຂອງໃຈດ້ານປະກັນສຸຂະພາບ ແລະ ສະໜອງການບໍລິການທີ່ດີ, ເປັນທີ່ເພິ່ງພໍໃຈ ແລະ ເຊື່ອໝັ້ນຂອງສັງຄົມຫຼາຍຂື້ນ. ບົດບັນທຶກການມອບໂອນວຽກງານປະກັນສຸຂະພາບໃນຄັ້ງນີ້ ແມ່ນເລີ່ມມີຜົນສັກສິດນັບແຕ່ເດືອນກໍລະກົດ 2019 ເປັນຕົ້ນໄປ.

ພາບ-ຂ່າວ: ພະແນກປະຊາສຳພັນ





div#mb_center,div#mb_bottom{ z - index: 9999; } div#mb_overlay{ z - index: 9999; }