ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 21/10/2019 ເວລາ 09:10


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 21/10/2019 ເວລາ 10:08

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ງານຂະບວນການຕ້ານເອດ ປີ 2019 ທີ ຫໍວັດທະນາທໍາແຫ່ງຊາດ.

altໃນຕອນເຊົ້າຂອງວັນທີ 05 ມີນາ 2019 ທີ່ ຫໍວັດທະນາທໍາແຫ່ງຊາດ ໄດ້ມີງານຂະບວນການຕ້ານເອດ ປະຈໍາປີ 2019 ໂດຍແມ່ນ ສູນຕ້ານເອດ ແລະ ພະຍາດຕິດຕໍ່ທາງເພດສໍາພັນ ຮ່ວມກັບ ສູນກາງຊາວໜຸ່ມປະຊາຊົນປະຕິວັດລາວ;

ໃນຕອນເຊົ້າຂອງວັນທີ 05 ມີນາ 2019 ທີ່ ຫໍວັດທະນາທໍາແຫ່ງຊາດ ໄດ້ມີງານຂະບວນການຕ້ານເອດ ປະຈໍາປີ 2019 ໂດຍແມ່ນ ສູນຕ້ານເອດ ແລະ ພະຍາດຕິດຕໍ່ທາງເພດສໍາພັນ ຮ່ວມກັບ ສູນກາງຊາວໜຸ່ມປະຊາຊົນປະຕິວັດລາວ; ໃຫກຽດເປັນປະທານຮ່ວມໂດຍແມ່ນທ່ານ ຮສ.ດຣ ບຸນກອງ ສີຫາວົງ ລັດຖະມົນຕີ ກະຊວງ ສາທາລະນະສຸກ ທັງເປັນປະທານຄະນະກໍາມະການແຫ່ງຊາດຕ້ານເອດ ກ່າວເປີດພິທີ, ມີທ່ານ ບຸນຕາ ເທບພະວົງ ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ຄະນະກໍາມະການແຫ່ງຊາດຕ້ານເອດ, ກະຊວງສາທາລະນະສຸກ, ບັນດາກະຊວງ, ມີຜູ້ຕາງໜ້າໂຮງໝໍຂັ້ນສູນກາງ ແລະ ທ້ອງຖິ່ນ, ອົງການສາກົນ ພ້ອມດ້ວຍນັກຮຽນນັກສຶກສາເຂົ້າຮ່ວມຢ່າງພ້ອມພຽງ.

ຈຸດປະສົງການຈັດງານໃນຄັ້ງນີ້ກໍ່ເພື່ອໃຫ້ທຸກຄົນມີສິດເຂົ້າເຖິງການກວດສຸຂະພາບທີ່ມີຄຸນນະພາບ ພ້ອມນີ້ເພື່ອເຮັດໃຫ້ທຸກຄົນໄດ້ຮູ້ວ່າ ການກວດເລືອດເທົ່ານັ້ນຈິ່ງສາມາດຮູ້ໄດ້ເຖິງສະຖານະຂອງການຕິດເຊື້ອເຮສໄອວີ (H.I.V) ຫຼື ພະຍາດເອດ, ດັ່ງນັ້ນ ຜູ້ທີ່ມີຄວາມສຽງທາງເພດສໍາພັນຈະຕ້ອງໄດ້ເຂົ້າຮັບການກວດເລືອດ ເພື່ອໃຫ້ບັນລຸເປົ້າໝາຍ 90-90-90 ໃນປີ 2020; ໃນນັ້ນ 90 ທີໜຶ່ງໝາຍເຖິງ ຜູ້ທີ່ມີຄວາມສຽງໃນການຕິດເຊື້ອຈໍນວນ 90% ຈະຕ້ອງໄດ້ເຂົ້າຮັບການກວດເລືອດ ແລະ ຮູ້ສະຖານະການຕິດເຊື້ອ, 90 ທີສອງໝາຍເຖິງ ຜູ້ທີ່ຕິດເຊື້ອເຮດໄອວີ ຈະຕ້ອງໄດ້ເຂົ້າເຖິງການປິ່ນປົວໂດຍແມ່ນການໄດ້ຮັບຢາຕ້ານຈຸລະໂລກເອອາຟີ, ແລະ 90 ທີສາມໝາຍເຖິງ ຜູ້ທີ່ໄດ້ຮັບການປິ່ນປົວຕ້ອງໄດ້ຮັບການປິ່ນປົວທີ່ດີ ເພື່ອເຮັດໃຫ້ພະຍາດຈຸລະໂລກ ລຸດໜ້ອຍຖອຍລົງຄື 1.000 ຕົວ/ໄມໂຄຼລິດ.

ພາຍຫຼັງ ປະທານຂື້ນກ່າວໄຂພິທີຢ່າງເປັນທາງການ, ຈາກນັ້ນ ທ່ານ ດຣ ພູທອນ ສຸດທະລັກ ຫົວໜ້າສູນຕ້ານເອດ ແລະ ພະຍາດຕິດຕໍ່ທາງເພດສໍາພັນ ໄດ້ຂື້ນນໍາສະເໜີສະພາບການສະກັດກັ້ນ ແລະ ຕ້ານເຊື້ອພະຍາດເຮສໄອວີ ຂອງ ສປປ ລາວ ແລະ ສະພາບການຕິດເຊື້ອຂອງໂລກ ໄລຍະທີ່ຜ່ານມາ, ຊຶ່ງທ່ານໄດ້ໃຫ້ຮູ້ວ່າປັດຈຸບັນທົ່ວໂລກ ມີຜູ້ຕິດເຊື້ອທັງໝົດ 77.3 ລ້ານຄົນ, ແລະ ເສຍຊີວິດຈໍານວນ 35.4 ລ້ານຄົນ; ສະເພາະໃນລາວ ນັບແຕ່ມີຜູ້ຕິດເຊື້ອກໍລະນີທໍາອິດມາຮອດເດືອນ 09/2018 ມີຜູ້ຕິດເຊື້ອເຮດໄອວີ ທັງໝົດ 11.980 ຄົນ ແລະ ເສຍຊີວິດຈໍານວນ 2.080 ຄົນ ເມືອທຽບໃສ່ໄລຍະທີຜ່ານມາເຫັນວ່າຈໍານວນຜູ້ຕິດເຊື້ອຢູ່ໃນອັດຕາທີ່ເພີ່ມສູງຂື້ນໃນແຕ່ລະປີ; ສາເຫດມາຈາກການບໍ່ມີການປ້ອງກັນເວລາມີເພດສໍາພັນ, ການນໍາໃຊ້ເຂັມສັກຢາຮ່ວມກັນ, ການສົ່ງຕໍ່ຈາກແມ່ສູ່ລູກ ແລະອື່ນໆຈາກເລືອດສູ່ເລືອດ. ຊຶ່ງໃນປັດຈຸບັນທາງກະຊວງສາທາລະນະສຸກໄດ້ມີສະຖານທີ່ໃຫ້ຄໍາປຶກສາ ແລະ ກວດເລືອດໂດຍບໍ່ເສຍຄ່າຕໍ່ຜູ້ທີ່ມີຄວາມສຽງໃນການຕິດເຊື້ອ ທັງໝົດ 189 ແຫ່ງໃນຂອບເຂດທົ່ວປະເທດ; ນອກນັ້ນ ພາຍໃນງານຍັງມີການສະແດງລະຄອນສາທິດຂອງກຸ່ມອາສາສະໝັກ, ການສະແດງບົດຟ້ອນ ແລະ ຂັບຮ້ອງເພງຂອງນັກສຶກສາຈາກໂຮງຮຽນ ມ.ປ ມິດຕະພາບວຽງຈັນ-ໂຮ່ຈີ່ມິນ ດ້ວຍບັນຍາກາດຄຶກຄຶື້ນມ່ວນຊື່ນ.

ປັດຈຸບັນ ອົງການອະນາໄມໂລກ ຫຼື World Health Organization-WHO ໄດ້ຖືເອົາວັນທີ 01 ທັນວາຂອງທຸກໆປີ ເປັນວັນສາກົນຕ້ານເອດ.


ພາບ-ຂ່າວໂດຍ: ພະແນກປະຊາສໍາພັນ.

altalt
altalt
altalt
altalt


div#mb_center,div#mb_bottom{ z - index: 9999; } div#mb_overlay{ z - index: 9999; }