ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 08/04/2019 ເວລາ 09:30


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 08/04/2019 ເວລາ 10:50

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 Mhz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 Mhz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ກອງປະຊຸມໃຫຍ່ຄັ້ງທີ I ຂອງໜ່ວຍຊາວໜຸ່ມ ຫ້ອງການກອງທຶນປະກັນສັງຄົມແຫ່ງຊາດ.

altໃນຕອນເຊົ້າຂອງວັນທີ 23 ມັງກອນ 2019 ທີ່ຫ້ອງປະຊຸມໃຫຍ່ ຂອງ ຫ້ອງການກອງທຶນປະກັນສັງຄົມແຫ່ງຊາດ (ຫກປຊ) ໄດ້ມີກອງປະຊຸມໃຫຍ່ຄັ້ງທີ I ຂອງ ໜ່ວຍຊາວໜຸ່ມ ກປຊ ຂື້ນ, ໂດຍການເປັນປະທານຂອງ

ໃນຕອນເຊົ້າຂອງວັນທີ 23 ມັງກອນ 2019 ທີ່ຫ້ອງປະຊຸມໃຫຍ່ ຂອງ ຫ້ອງການກອງທຶນປະກັນສັງຄົມແຫ່ງຊາດ (ຫກປຊ) ໄດ້ມີກອງປະຊຸມໃຫຍ່ຄັ້ງທີ I ຂອງ ໜ່ວຍຊາວໜຸ່ມ ຫກປຊ ຂື້ນ, ໂດຍການເປັນປະທານຂອງ ສະຫາຍ ພົງໄຊສັກ ອິນຖາລາດ ຄະນະບໍລິຫານງານສູນກາງຊາວໜຸ່ມ ປປລ ທັງເປັນເລຂາຄະນະບໍລິຫານງານຊາວໜຸ່ມ ກະຊວງ ຮສສ, ໃຫ້ກຽດເຂົ້າຮ່ວມມີ ສະຫາຍ ປະເດີມພອນ ສົນທະນີ ເລຂາໜ່ວຍພັກ ຫກປຊ ຜູ້ອຳນວຍການ ຫກປຊ ພ້ອມດ້ວຍຄະນະ, ມີ 3 ອົງການຈັດຕັ້ງມະຫາຊົນ ຊາວໜຸ່ມ, ແມ່ຍິງ, ກໍາມະບານ ເຂົ້າຮ່ວມຢ່າງພ້ອມພຽງ.

ໃນກອງປະຊຸມ ຜູ້ເຂົ້າຮ່ວມທັງໝົດໄດ້ຢືນໄວ້ອາໄລເປັນເວລາ 3 ວິນາທີ ແກ່ດວງວິນຍານຂອງເຫຼົ່ານັກຮົບ-ນັກປະຕິວັດ ທີ່ໄດ້ເສຍສະລະຊີວິດເພື່ອຊາດ, ຈາກນັ້ນ ສະຫາຍ ນາງ ແອງນີ ໄຊຍາສຸບັດຮອງໜ່ວຍຊາວໜຸ່ມ ຫກປຊ ຊຸດເກົ່າ ໄດ້ຂື້ນລາຍງານບົດລາຍງານການເມືອງ ຊຶ່ງໄດ້ສະແດງໃຫ້ເຫັນເຖິງພາບລວມຂອງໜ່ວຍຊາວໜຸ່ມ ຫກປຊ ເປັນໜຶ່ງໃນສາມອົງການຈັດຕັ້ງມະຫາຊົນທີ່ຂື້ນກັບໜ່ວຍພັກ ຫກປຊ ມີພາລະບົດບາດເປັນເສນາທິການ ມີຄວາມຮັບຜິດຊອບໂດຍກົງຕໍ່ຄະນະບໍລິຫານງານຊາວໜຸ່ມຂອງກະຊວງ ຮສສ ແລະ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ V ຂອງຄະນະບໍລິຫານງານຊາວໜຸ່ມ ກະຊວງ, ກົດລະບຽບຂອງຊາວໜຸ່ມ ປປລ ເພື່ອສຶກສາການເມືອງແນວຄິດ ແລະ ນໍາມາປັບປຸງ, ຊຶ່ງຕະຫຼອດໄລຍະທີ່ຜ່ານມາ ການຈັດຕັ້ງປະຕິບັດວຽກງານຊາວໜຸ່ມ ຫກປຊ ນັບແຕ່ປີ2015-2018 ແມ່ນຢູ່ໃນສະພາບການທີ່ສັງຄົມພາຍໃນ ແລະ ສາກົນ ມີການປ່ຽນແປງ ສະຫຼັບຊັບຊ້ອນ ຊຶ່ງເປັນບັນຫາທີ່ທ້າທາຍ ໂດຍສະເພາະບັນຫາສື່ອອນລາຍ ໄພທຳມະຊາດ ທີ່ມີຜົນກະທົບຕໍ່ພະນັກງານ ກໍ່ຄືຖັນແຖວສະມາຊິກຊາວໜຸ່ມພວກເຮົາ, ແຕ່ຄວາມເອົາໃຈໃສ່ຢ່າງໃກ້ຊິດຕໍ່ເນື່ອງຂອງຄະນະພັກ ກໍ່ຄື  ຄະນະບໍລິຫານງານຊາວໜຸ່ມກະຊວງດ້ວຍຄວາມມີຈິດໃຈບຸກທະລຸ ຈຶ່ງເຮັດໃຫ້ການນຳພາວຽກງານຊາວໜຸ່ມ ຫກປຊ ສາມາດປະຕິບັດໜ້າທີ່ຂອງຕົນຢ່າງມີຜົນສຳເລັດ ທັງໃນດ້ານແນວຄິດການເມືອງ, ການກໍ່ສ້າງສະມາຊິກຊາວໜຸ່ມ, ວຽກວິຊາສະເພາະ, ວຽກງານປ້ອງກັນ, ກິລາ  ແລະອື່ນໆ. ຈາກນັ້ນ ສະຫາຍ ນາງ ອຸດຕະມະ ມິດທະສອນ ຕາງໜ້າຄະນະຮັບຜິດຊອບໄດ້ຂື້ນຜ່ານບົດສຳຫຼວດ ແລະ ບົດລາຍງານດ້ານເສດຖະກິດໃນໄລຍະທີ່ຜ່ານມາ ແລະ ການຂື້ນອໍາລາໜ້າທີ່ ຂອງ ຄະນະໜ່ວຍຊາວໜຸ່ມ ຫກປຊ ຊຸດເກົ່າ. ໂດຍກອງປະຊຸມ ໄດ້ຜ່ານເງື່ອນໄຂມາດຖານຕາມຫຼັກການປ່ອນບັດຂອງຄະນະບໍລິຫານງານຊາວໜຸ່ມ ປປລ ເພື່ດລົງຄະແນນສຽງຄັດເລືອກຄະນະໜ່ວຍຊາວໜຸ່ມ ຫກປຊ ຊຸດໃໝ່. ການປ່ອນບັດໄດ້ເປັນໄປຫຼັກການ, ຖືກຕ້ອງ ແລະ ໂປ່ງໃສທຸກປະການ ຊຶ່ງຜ່ານການດໍາເນີນການປ່ອນບັດ ຜົນຂອງການເລືອງຕັ້ງແມ່ນໄດ້ຄະນະໜ່ວຍຊາວໜຸ່ມ ຫກປຊ ຊຸດໃໝ່ ຈຳນວນ 5 ສະຫາຍ ຄື:

  1. ສະຫາຍ ດາວອນ ຜາມີໄຊ ເປັນເລຂາໜ່ວຍຊາວໜຸ່ມ ຫກປຊ;
  2. ສະຫາຍ ນາງ ແອງນີ ໄຊຍາສຸບັດ ເປັນຮອງເລຂາໜ່ວຍ ຮັບຜິດຊອບວຽກງານກວດກາ;
  3. ສະຫາຍ ນາງ ອຸດຕະມະ ມິດທະສອນ ເປັນຮອງເລຂາໜ່ວຍ;
  4. ສະຫາຍ ນາງ ຄຳພູວີ ດວງມະນີວົງ ກຳມະການ;
  5. ສະຫາຍ ສັນນະຄອນ ບຽນທະນົງ ກຳມະການ.

ຈາກນັ້ນ ຕາງໜ້າ​ໜ່ວຍຊາວໜຸ່ມ ຫກປຊ ​ຊຸດ​ໃໝ່ ໄດ້​ຂຶ້ນ​ກ່າວ​ປະຕິຍານ​ຮັບ​ເອົາໜ້າ​ທີ່ ​ແລະ ​ໃຫ້​ຄຳ​ໝັ້ນ​ສັນຍາ​ວ່າ​ຈະ​ສືບ​ຕໍ່​ປະຕິບັດວຽກງານທີ່ໄດ້ຮັບມອບໝາຍ, ນຳພາປັບປຸງການຈັດຕັ້ງໜ່ວຍຊາວໜຸ່ມໃຫ້ມີຄວາມເຂັ້ມແຂງ ເສີມຂະຫຍາຍບົດບາດການນໍາພາຂອງຄະນະໜ່ວຍ ໃຫ້ເປັນແບບຢ່າງຕໍ່ສະມາຊິກຊາວໜຸ່ມໃນການເຕົ້າໂຮມຄວາມສາມັກຄີ ແລະ ເສີມຂະຫຍາຍຄວາມຮັບຜິດຊອບໂດຍ​ສະ​ເພາະ​ວຽກ​ງາ​ນຊາວ​ໜຸ່ມ​ ຫກປຊ ​ໃຫ້​ບັນລຸ​ຕາມ​ເປົ້າໝາຍ​ທີ່​ກຳນົດ​ໃວ້.

ເພື່ອເຮັດໃຫ້ກອງປະຊຸມມີຄວາມໝາຍຄວາມສຳຄັນຍິ່ງຂື້ນ, ໃນພິທີໄດ້ຮັບຟັງຄຳໂອ້ລົມຂອງສະຫາຍ ພົງໄຊສັກ ອິນຖາລາດ ຄະນະບໍລິຫານງານສູນກາງຊາວໜຸ່ມ ປປລ, ທ່ານໄດ້ກ່າວວ່າ: ໃນສະພາບການປ່ຽນແປງໃໝ່ ເຫັນໄດ້ວ່າໜ່ວຍຊາວໜຸ່ມ ຫກປຊ ສາມາດຈັດຕັ້ງປະຕິບັດໜ້າທີການເມືອງ-ແນວຄິດ, ວຽກງານວິຊາສະເພາະ ແລະ ອື່ນໆ ໄດ້ເປັນຢ່າງດີ, ຊຶ່ງໜ່ວຍຊາວໜຸ່ມ ຫກປຊ ຖືເປັນກ້ອນກໍາລັງແຮງໜຶ່ງທີ່ໄດ້ປະກອບສ່ວນເຂົ້າໃນວຽກງານຂອງຊາວໜຸ່ມ ກະຊວງ ກໍ່ຄື ວຽກງານຊາວໜຸ່ມ ປປລ ທີ່ເປັນພາລະກິດຂອງຊາດ ສາມາດຍາດໄດ້ຜົນສຳເລັດຫຼາຍດ້ານໃນໄລຍະທີ່ຜ່ານມາ, ພາຍໃນໜ່ວຍມີການສຶກສາອົບຮົມ, ກໍ່ສ້າງ ເຊິ່ງກັນແລະກັນ, ມີແນວຄິດອຸ່ນອ່ຽນທຸ່ນທຽງ, ມີຄວາມສາມັກຄີ  ແລະ ພ້ອມກັນຝຶກຝົນຫຼໍ່ຫຼອມໃຫ້ເປັນຊາວໜຸ່ມທີ່ມີຄຸນນະພາບ. ເຖິງຢ່າງໃດກໍ່ຕາມ ໃນທາມກາງສະພາບປ່ຽນແປງໃໝ່, ໜ່ວຍຊາວໜຸ່ມ ຫກປຊ ຕ້ອງໄດ້ສືບຕໍ່ເພີ່ມທະວີໃນການຍົກລະດັບຄວາມຮູ້ຄວາມສາມາດ ກ້າສະແດງອອກໃນທາງສ້າງສັນຢ່າງຕໍ່ເນື່ອງ ເພື່ອໃຫ້ບັນລຸຕາມເປົ້າໝາຍໃນສະພາບການປ່ຽນແປງໃໝ່ນີ້, ນອກນັ້ນທ່ານຍັງໄດ້ກ່າວເນັ້ນຕື່ມໃຫ້ສະມາຊິກຊາວໜຸ່ມ ຈົ່ງພ້ອມກັນຜັນຂະຫຍາຍ ແລະ ເຮັດໃຫ້ວຽກງານ 4 ບຸກທະລຸ ຂອງ ຄະນະບໍລິຫານງານສູນກາງຊາວໜຸ່ມ ປປລ ປະກົດຜົນເປັນຈິງ ແລະ ຍາດເອົາຜົນງານໃໝ່ທີ່ໃຫຍ່ກວ່າເກົ່າຢ່າງຕໍ່ເນື່ອງ.

ກອງປະຊຸມໃຫຍ່ຄັ້ງທີ I ຂອງ ໜ່ວຍຊາວໜຸ່ມ ຫກປຊ ໄດ້ສໍາເລັດລົງໃນພາກເຊົ້າຂອງມື້ດຽວກັນ.

div#mb_center,div#mb_bottom{ z - index: 9999; } div#mb_overlay{ z - index: 9999; }