ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 10/12/2018 ເວລາ 10:03


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 10/12/2018 ເວລາ 14:25

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ພິທີປະກາດໜ່ວຍບໍລິການກອງທຶນປະກັນສັງຄົມ ປະຈຳເມືອງເຊໂປນ ແຂວງສະຫວັນນະເຂດ.

altໃນຕອນເຊົ້າຂອງວັນທີ 16 ຕຸລາ 2018 ທີ່ ສະໂມສອນ ຫ້ອງການປົກຄອງເມືອງເຊໂປນ ແຂວງສະຫວັນນະເຂດ ໄດ້ມີກອງປະຊຸມເຜີຍແຜ່ວຽກງານປະກັນສັງຄົມ ແລະ ພິທີປະກາດໜ່ວຍບໍລິການກອງທຶນປະກັນສັງຄົມ ປະຈໍາເມືອງເຊໂປນ

ໂດຍການເປັນປະທານຮ່ວມຂອງທ່ານ ວົງໄຊ ໄຊຍະຈັກ ຄະນະປະຈໍາພັກເມືອງ ວ່າການເຈົ້າເມືອງ ເມືອງເຊໂປນ, ມີ ທ່ານ ວາລິນ ອິນທະສອນ ຮອງຫົວໜ້າພະແນກ ແຮງງານ ແລະ ສະຫວັດດີການສັງຄົມ ແຂວງສະຫວັນນະເຂດ, ໃຫ້ກຽດເຂົ້າຮ່ວມມີ ທ່ານ ເພັດສະໝອນ ສຸກທະວີພອນ ຮອງຜູ້ອຳນວຍການ ຫ້ອງການກອງທຶນປະກັນສັງຄົມແຫ່ງຊາດ, ທ່ານ ຈັນສະໝອນ ອະລິຍະວົງ ຫົວໜ້າສູນບໍລິການກອງທຶນປະກັນສັງຄົມແຂວງສະຫວັນນະເຂດ, ຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ກອງບັນຊາການທະຫານ, ຕໍາຫຼວດ, ນາຍບ້ານ, ເທດສະບານ, ລັດວິສາຫະກິດ, ຕ່າງໜ້າບໍລິສັດ ພ້ອມດ້ວຍວິຊາການທີ່ກ່ຽວຂ້ອງເຂົ້າຮ່ວມທັງໝົດ 180 ທ່ານ, ຍິງ 95 ທ່ານ.

ໃນກອງປະຊຸມ ທ່ານ ວາລິນ ອິນທະສອນ ຮອງຫົວໜ້າພະແນກ ແຮງງານ ແລະ ສະຫວັດດີການສັງຄົມ ແຂວງສະຫວັນນະເຂດ ໄດ້ໃຫ້ກຽດຂື້ນຜ່ານຂໍ້ຕົກລົງຂອງລັດຖະມົນຕີ ກະຊວງ ຮສສ ສະບັບເລກທີ 3062/ຮສສ ລົງວັນທີ 23 ສິງຫາ 2018 ວ່າດ້ວຍການອະນຸມັດສ້າງຕັ້ງໜ່ວຍບໍລິການກອງທຶນປະກັນສັງຄົມ ຢູ່ ຂັ້ນເມືອງ ແລະ ຜ່ານແຜນການຂອງທ່ານເຈົ້າເມືອງກ່ຽວກັບໜ່ວຍບໍລິການຂອງກອງທຶນປະກັນສັງຄົມ ປະຈຳເມືອງເຊໂປນ. ຈາກນັ້ນ ຮອງຜູ້ອໍານວຍການ ຫກປຊ ໄດ້ຂື້ນກ່າວພາບລວມຂອງກົດໝາຍ ກໍ່ຄື ລະບົບປະກັນສັງຄົມໃນລາວ, ຈຸດປະສົງ, ຄວາມໝາຍຄວາມສໍາຄັນ, ການຈັດສັນກອງທຶນ ແລະອື່ນໆ; ນອກນັ້ນໃນກອງປະຊຸມ ຍັງໄດ້ຮັບຟັງການບັນຍາຍກ່ຽວກັບກົດໝາຍວ່າດ້ວຍການປະກັນສັງຄົມ ໂດຍຜູ້ຕາງໜ້າຈາກພະແນກປະຊາສໍາພັນ ຂອງ ຫກປຊ ເຊິ່ງໄດ້ລົງເລິກໃນແຕ່ລະປະເພດການອຸດໜູນທີ່ປະກັນສັງຄົມໃຫ້ການຄຸ້ມຄອງ ເຊັ່ນ: ອຸດໜູນອຸປະຕິເຫດແຮງງານ ແລະ ພະຍາດອາຊີບ, ອຸດໜູນປິ່ນປົວສຸຂະພາບ, ອຸດໜູນປ່ວຍການ, ອຸດໜູນເສຍອົງຄະ, ອຸດໜູນບຳນານ, ອຸດໜູນເສຍຊີວິດ, ອຸດໜູນສະມາຊິກຄອບຄົວຂອງຜູ້ເສຍຊີວິດ ແລະ ອຸດໜູນວ່າງງານ ສໍາລັບຫົວໜ່ວຍວິສາຫະກິດ; ພາຍຫຼັງສິ້ນສຸດການບັນຍາຍ, ປະທານໄດ້ເປີດໂອກາດໃຫ້ຜູ້ເຂົ້າຮ່ວມແລກປ່ຽນຊັກຖາມ ຊຶ່ງເຫັນໄດ້ວ່າຜູ້ເຂົ້າຮ່ວມສ່ວນຫຼາຍມີຄວາມສົນໃຈຕໍ່ກັບບັນຫາ ເຊັ່ນ: ການຄ້ມຄອງກໍລະນີເກີດອຸປະຕິເຫດ ຫຼື ເຈັບເປັນສຸກເສີນ, ການສືບຕໍ່ຖອກເງິນສົມທົບເຂົ້າປະກັນສັງຄົມ ກໍລະນີມີການຍ້າຍວຽກໃໝ່, ຂັ້ນຕອນການເຂົ້າປະກັນສັງຄົມໃນບະບົບສະໝັກໃຈ ເປັນຕົ້ນ; ພ້ອມດຽວກັນນັ້ນ ຍັງມີຂໍ້ສະເໜີບາງບັນຫາເຊັ່ນ: ສະເໜີໃຫ້ສາມາດເຂົ້າຮັບການປິ່ນປົວຢູ່ໂຮງໝໍໃດກໍ່ໄດ້, ລະດັບການເຊັນຢັ້ງຢືນເອກະສານເພື່ອແຈ້ງປ່ຽນແປງຂໍ້ມູນ ຫຼື ຂໍຮັບເງິນອຸດໜູນຕ່າງໆ ໃນກໍລະນີທີ່ມີຄວາມຫຍຸ້ງຍາກ ຫຼື ຍ້ອນຢູ່ຫ່າງໃກສອກຫຼີກ. ຊຶ່ງພາຍຫຼັງການອະທິບາຍຊີ້ແຈງຂອງພາກສ່ວນກ່ຽວຂ້ອງ ໄດ້ເຮັດໃຫ້ຜູ້ເຂົ້າຮ່ວມຮັບຟັງມີຄວາມຮັບຮູ້ ແລະ ເຂົ້າໃຈແຈ້ງຫຼາຍຂື້ນ. ໃນໂອກາດດັ່ງກ່າວ, ໃນນາມປະທານກອງປະຊຸມ ທ່ານ ວົງໄຊ ໄຊຍະຈັກ ຄະນະປະຈໍາພັກເມືອງ ວ່າການເຈົ້າເມືອງ ເມືອງເຊໂປນ ໄດ້ມີຄຳເຫັນຕໍ່ທີ່ປະຊຸມວ່າ: ການສ້າງຕັ້ງໜ່ວຍບໍລິການກອງທຶນປະກັນສັງຄົມ ຢູ່ ເມືອງເຊໂປນ ແຂວງສະຫວັນນະເຂດ ແມ່ນຈະສ້າງຄວາມສະດວກໃຫ້ແກ່ຜູ້ອອກແຮງງານໃນເຂດເມືອງຂອງຕົນທີ່ສັງກັດຢູ່ອົງການຈັດຕັ້ງຂອງລັດ ແລະ ຫົວໜ່ວຍວິສາຫະກິດ ໃນການພົວພັນຂໍ້ມູນ ຂື້ນທະບຽນ ແລະ ຮ້ອງຂໍເງິນອຸດໜູນຕ່າງໆ ນໍາໜ່ວຍບໍລິການດັ່ງກ່າວ, ພ້ອມທັງຮຽກຮ້ອງໃຫ້ຜູ້ເຂົ້າຮ່ວມ ນໍາເອົາເນື້ອໃນຈິດໃຈຂອງກອງປະຊຸມໃນຄັ້ງນີ້ ໄປເຜີຍແຜ່ໃຫ້ແກ່ພະນັກງານ ແລະ ປະຊາຊົນພາຍໃນບ້ານຂອງຕົນໃຫ້ຮັບຮູ້ວຽກງານດັ່ງກ່າວຢ່າງທົ່ວເຖິງ.

div#mb_center,div#mb_bottom{ z - index: 9999; } div#mb_overlay{ z - index: 9999; }