ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 10/12/2018 ເວລາ 10:03


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 10/12/2018 ເວລາ 14:25

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ພິທີປະກາດໜ່ວຍບໍລິການກອງທຶນປະກັນສັງຄົມ ປະຈຳເມືອງຄໍາເກີດ ແຂວງບໍລິຄຳໄຊ.

altນຕອນເຊົ້າຂອງວັນທີ 14 ຕຸລາ 2018 ທີ່ ຫ້ອງການປົກຄອງເມືອງຄໍາເກີດ ແຂວງບໍລິຄຳໄຊ ໄດ້ມີກອງປະຊຸມເຜີຍແຜ່ວຽກງານປະກັນສັງຄົມ ແລະ ພິທີປະກາດໜ່ວຍບໍລິການກອງທຶນປະກັນສັງຄົມ ປະຈໍາເມືອງຄໍາເກີດ


ໂດຍການເປັນປະທານຮ່ວມຂອງ ທ່ານ ກີ່ ຊົງລາຫວ່າງ ຄະນະປະຈໍາພັກເມືອງ ຮອງເຈົ້າເມືອງ ເມືອງຄໍາເກີດ, ມີ ທ່ານ ລໍາເງິນ ສາຍໂນລາດ ຫົວໜ້າພະແນກ ແຮງງານ ແລະ ສະຫວັດດີການສັງຄົມ ແຂວງບໍລິຄໍາໄຊ, ໃຫ້ກຽດເຂົ້າຮ່ວມມີ ທ່ານ ເພັດສະໝອນ ສຸກທະວີພອນ ຮອງຜູ້ອຳນວຍການ ຫ້ອງການກອງທຶນປະກັນສັງຄົມແຫ່ງຊາດ, ຫົວໜ້າສູນບໍລິການປະກັນສັງຄົມແຂວງບໍລິຄໍາໄຊ, ຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ນາຍບ້ານ, ເທດສະບານ, ບໍລິສັດ ພ້ອມດ້ວຍວິຊາການທີ່ກ່ຽວຂ້ອງເຂົ້າຮ່ວມທັງໝົດ 45 ທ່ານ, ຍິງ 28 ທ່ານ.
ໃນພິທີ ທ່ານ ລໍາເງິນ ສາຍໂນລາດ ຫົວໜ້າພະແນກ ແຮງງານ ແລະ ສະຫວັດດີການສັງຄົມ ແຂວງບໍລິຄໍາໄຊ ໄດ້ໃຫ້ກຽດຂື້ນຜ່ານຂໍ້ຕົກລົງຂອງລັດຖະມົນຕີ ກະຊວງ ຮສສ ສະບັບເລກທີ 3062/ຮສສ ລົງວັນທີ 23 ສິງຫາ 2018 ວ່າດ້ວຍການອະນຸມັດສ້າງຕັ້ງໜ່ວຍບໍລິການກອງທຶນປະກັນສັງຄົມ ຢູ່ ຂັ້ນເມືອງ ແລະ ຜ່ານແຜນການຂອງທ່ານເຈົ້າເມືອງກ່ຽວກັບໜ່ວຍບໍລິການຂອງກອງທຶນປະກັນສັງຄົມ ປະຈຳເມືອງຄໍເກີດ. ຈາກນັ້ນ ໄດ້ມີການຮັບຟັງການບັນຍາຍກ່ຽວກັບກົດໝາຍວ່າດ້ວຍການປະກັນສັງຄົມ ເວົ້າລວມ ເວົ້າສະເພາະ ກໍ່ຄືສິດຜົນ ປະໂຫຍດທີ່ຈະໄດ້ຮັບໃນເວລາເຂົ້າເປັນສະມາຊິກປະກັນສັງຄົມ ໂດຍຜູ້ຕາງໜ້າຈາກພະແນກປະຊາສໍາພັນ ຂອງ ຫກປຊ ໄດ້ສະແດງໃຫ້ເຫັນເຖິງພາບລວມຂອງລະບົບປະກັນສັງຄົມໃນລາວ, ຈຸດປະສົງ, ຄວາມໝາຍຄວາມສໍາຄັນ, ການຈັດສັນກອງທຶນ, ພ້ອມທັງລົງເລິກໃນແຕ່ລະປະເພດການອຸດໜູນທີ່ປະກັນສັງຄົມໃຫ້ການຄຸ້ມຄອງ ເຊັ່ນ: ອຸດໜູນອຸປະຕິເຫດແຮງງານ ແລະ ພະຍາດອາຊີບ, ອຸດໜູນປິ່ນປົວສຸຂະພາບ, ອຸດໜູນປ່ວຍການ, ອຸດໜູນເສຍອົງຄະ, ອຸດໜູນບຳນານ, ອຸດໜູນເສຍຊີວິດ, ອຸດໜູນສະມາຊິກຄອບຄົວຂອງຜູ້ເສຍຊີວິດ ແລະ ອຸດໜູນວ່າງງານ; ພາຍຫຼັງສິ້ນສຸດການບັນຍາຍ, ປະທານໄດ້ເປີດໂອກາດໃຫ້ຜູ້ເຂົ້າຮ່ວມແລກປ່ຽນຖາມ-ຕອບ ກ່ຽວກັບບັນຫາທີ່ຍັງມີຄວາມສົນໃຈເພີ່ມຕື່ມ ຊຶ່ງເຫັນໄດ້ວ່າ ຜູ້ເຂົ້າຮ່ວມສ່ວນຫຼາຍມີຄວາມສົນໃຈຕໍ່ກັບການເຂົ້າເປັນສະມາຊິກປະກັນສັງຄົມໃນລະບົບສະໝັກໃຈ, ການປິ່ນປົວໃນກໍລະນີເຈັບເປັນສຸກເສີນ, ການຄຸ້ມຄອງກໍລະນີເກີດອຸປະຕິເຫດ ແລະອື່ນໆ; ນອກນັ້ນໃນກອງປະຊຸມຍັງໄດ້ມີຂໍ້ສະເໜີບາງບັນຫາ ເຊັ່ນ: ສະເໜີໃຫ້ມີການປັບປຸງການໃຫ້ບໍລິການປິ່ນປົວສຸຂະພາບຢູ່ໂຮງໝໍໃຫ້ດີຂື້ນ, ໃຫ້ພະນັກງານປະຈໍາຢູ່ປ່ອງປະກັນສັງຄົມຂອງໂຮງໝໍ ມີການອະທິບາຍຊີ້ແຈງຢ່າງຈະແຈ້ງໃນເວລາສະມາຊິກພົບບັນຫາທີ່ກ່ຽວຂ້ອງ, ພ້ອມທັງສະເໜີໃຫ້ເພີ່ມທະວີການໂຄສະນາເຜີຍແຜ່ວຽກງານດັ່ງກ່າວໃຫ້ແກ່ສັງຄົມໄດ້ຮັບຮູ້ເປັນປົກກະຕິ ເພື່ອໃຫ້ພະນັກງານລັດ, ວິສາຫະກິດ ແລະປະຊາຊົນທົ່ວໄປພາຍໃນເມືອງຂອງຕົນໄດ້ມີຄວາມຮັບຮູ້ ແລະ ເຂົ້າໃຈຫຼາຍຂື້ນ. ໃນໂອກາດດັ່ງກ່າວ, ໃນນາມປະທານກອງປະຊຸມ ທ່ານ ກີ່ ຊົງລາຫວ່າງ ຄະນະປະຈໍາພັກເມືອງ ຮອງເຈົ້າເມືອງ ເມືອງຄໍາເກີດ ໄດ້ມີຄຳເຫັນຕໍ່ທີ່ປະຊຸມວ່າ: ການສ້າງຕັ້ງໜ່ວຍບໍລິການກອງທຶນປະກັນສັງຄົມ ຢູ່ ເມືອງຄໍເກີດ ແຂວງບໍລິຄໍາໄຊ ພວກເຮົາ ແມ່ນໄດ້ຮັບຄວາມເຊື່ອໝັ້ນ ແລະ ຄວາມວາງໃຈຈາກ ພັກ ກໍ່ຄື ລັດຖະບານ ທີ່ໄດ້ເລືອກເມືອງຄໍາເກີດ ເປັນເມືອງທຳອິດຂອງແຂວງບໍລິຄໍາໄຊ ໃນການເປີດໜ່ວຍບໍລິການກອງທຶນປະກັນສັງຄົມຂັ້ນເມືອງ ເພື່ອອໍານວຍຄວາມສະດວກວຽກງານດັ່ງກ່າວໃຫ້ແກ່ສະມາຊິກ ໃນການຄ້ຳປະກັນທາງດ້ານສະຫວັດດີການ ກໍ່ຄື ການແກ້ໄຂຄວາມທຸກຍາກໃຫ້ແກ່ພໍ່ແມ່ພີ່ນ້ອງປະຊາຊົນເມືອງຄໍາເກີດໃຫ້ມີຊີວິດທີ່ດີຂື້ນ, ພ້ອມທັງຮຽກຮ້ອງໃຫ້ພາກສ່ວນກ່ຽວຂ້ອງເອົາໃຈໃສ່ໃນການແຈ້ງອັບເດດຂໍ້ມູນນຳປະກັນສັງຄົມ ແລະ ປະກອບເອກະສານຮັບເງິນອຸດໜູນຕາມລະບຽບການທີ່ໄດ້ກຳນົດໄວ້ ທັງນີ້ກໍ່ເພື່ອຮັບປະກັນສິດແລະຜົນປະໂຫຍດຂອງຕົນເອງ ແລະ ຄອບຄົວ.


div#mb_center,div#mb_bottom{ z - index: 9999; } div#mb_overlay{ z - index: 9999; }