ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 10/12/2018 ເວລາ 10:03


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 10/12/2018 ເວລາ 14:25

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ກອງປະຊຸມສະພາບໍລິຫານ ກອງທຶນປະກັນສັງຄົມແຫ່ງຊາດ ຄັ້ງທີ XIV.

altເພື່ອເຮັດໃຫ້ວຽກງານປະກັນສັງຄົມຢູ່ໃນທ່າຕັ້ງໜ້າ ແລະ ຂະຫຍາຍຕົວເປັນກ້າວໆ, ພ້ອມທັງເປັນການຕິດຕາມກວດກາບັນດາຂໍ້ຄົງຄ້າງ ແລະ ແກ້ໄຂໃຫ້ທັນກັບສະພາບການ ເພື່ອກ້າວໄປສູ່ການບັນລຸຕົວເລກຄາດໝາຍສູ້ຊົນຕາມທິດທາງແຜນການປີ 2018

ຂອງ ຫກປຊ. ໃນຕອນເຊົ້າຂອງວັນທີ 06 ພະຈິກ 2018 ​ທີ່ ຫ້ອງການກອງທຶນປະກັນສັງຄົມແຫ່ງຊາດ ໄດ້ຈັດກອງປະຊຸມສະພາບໍລິຫານຄັ້ງທີ XIV ຂອງ​ຕົນຂຶ້ນ, ໂດຍການເປັນປະທານຂອງທ່ານ ປ.ອ ຄໍາແພງ ໄຊສົມແພງ ລັດຖະມົນຕີ ກະຊວງ ແຮງງານ ແລະ ສະຫວັດດີການສັງຄົມ, ເຂົ້າຮ່ວມກອງປະຊຸມໃນຄັ້ງນີ້ ມີຮອງປະທານ, ຄະນະກຳມະການສະພາບໍລິຫານ, ຄະນະອຳນວຍການ ແລະ ບັນດາພະແນກການທີ່ກ່ຽວຂ້ອງ ຂອງ ຫ້ອງການກອງທຶນປະກັນສັງຄົມແຫ່ງຊາດ ເຂົ້າຮ່ວມຢ່າງພ້ອມພຽງ.

ຈຸດປະສົງກໍ່ ເພື່ອທົບທວນຄືນໃນການປະຕິບັດວຽກງານປະກັນສັງຄົມໃນໄລຍະທີ່ຜ່ານມາ, ຊຶ່ງພາຍຫຼັງປະທານກອງປະຊຸມກ່າວເປີດພິທີ ທ່ານ ປະເດີມພອນ ສົນທະນີ ຜູ້ອຳນວຍການ ກປຊ ໄດ້ກ່າວລາຍງານກ່ຽວກັບສະພາບການຈັດຕັ້ງປະຕິບັດວຽກງານປະຈໍາງວດ III ແລະ ຜ່ານທິດທາງແຜນການງວດ IV ປີ 2018 ຂອງ ຫກປຊ, ຊຶ່ງທ່ານໄດ້ລາຍງານໃຫ້ຮູ້ວ່າ: ໃນງວດ III ທີ່ຜ່ານມາ ກປຊ ໄດ້ມີການຈັດຕັ້ງປະຕິບັດໂຄງການຈຸດສຸມຫຼາຍຢ່າງ ເຊັ່ນ: ສໍາເລັດການປັບປຸງລະບົບໂປຼແກຼມເງິນສົມທົບພາກລັດ ເພື່ອເກັບກໍາຂໍ້ມູນການຈ່າຍເງິນສົມທົບຂອງພະນັກງານ-ລັດຖະກອນແຕ່ລະຄົນ ພ້ອມທັງຈັດຝຶກອົບຮົມການນໍາໃຊ້ລະບົບດັ່ງກ່າວໃຫ້ແກ່ວິຊາການສູນບໍລິການທົ່ວປະເທດ, ຈັດກອງປະຊຸມສໍາມະນາໃຫ້ກັບບັນດາສູນບໍລິການກ່ຽວກັບການສ້າງຄວາມເຂັ້ມແຂງດ້ານການບໍລິການວຽກງານປະກັນສັງຄົມຂັ້ນເມືອງ ແລະ ຈັດຝຶກອົບຮົມໃຫ້ແກ່ພະນັກງານ ຫກປຊ ສູນກາງ ໃນຫົວຂໍ້ “ການບໍລິຫານ ແລະ ການສື່ສານທີ່ດີ”, ໄດ້ສົມທົບກັບກົມພັດທະນາສີມືແຮງງານ ແລະ ຈັດຫາງານ ແລະ ສູນບໍລິການຈັດຫາງານ ສ້າງຄວາມເຂົ້າໃຈກ່ຍວກັບການອອກໃບຢັ້ງຢືນການວ່າງງານໃຫ້ຜູ້ປະກັນຕົນ ເພື່ອຮັບອຸດໜູນດັ່ງກ່າວ, ຈັດກອງປະຊຸມກັບບັນດາກະຊວງຕ່າງໆ ເພື່ອປຶກສາຫາລືກ່ຽວກັບການໂອນເງິນອຸດໜູນໄລຍະຍາວຂອງພາກລັດ ຜ່ານລະບົບ ATM ເຂົ້າບັນຊີຂອງບຸກຄົນ ເພື່ອສ້າງຄວາມສະດວກໃຫ້ແກ່ສະມາຊິກ, ໄດ້ເຊັນບົດບັນທຶກກັບ ຫ້ອງການກອງທຶນປະກັນສຸຂະພາບແຫ່ງຊາດ ກ່ຽວກັບການທົດລອງໂຮມວຽກປະກັນສຸຂະພາບ ຢູ່ ແຂວງວຽງຈັນ ແລະ ແຂວງເຊກອງ ໃນໄລຍະ 3 ເດືອນ ນັບແຕ່ວັນທີ 10/10-31/12/2018, ດໍາເນີນການກວດສອບພາກປົກກະຕິຕາມການຈັດຕັ້ງປະຕິບັດການອຸດໜູນປະກັນສັງຄົມຕໍ່ເປົ້າໝາຍຜູ້ປະກັນຕົນສະໝັກໃຈ ຢູ່ ສູນກາງ ແລະ ສກປສ 06 ແຂວງ, ຄົ້ນຄ້ວາ ແລະ ກະກຽມການປັບປຸງຖານຂໍ້ມູນທະບຽນ ແລະ ເງິນສົມທົບພາກວິສາຫະກິດໂດຍປ່ຽນຈາກຖານຂໍ້ມູນ Foxpro ມາເປັນ MySQL, ຄົ້ນຄ້ວາບັນດາໜ້າວຽກໃນການຈໍາລອງປ່ອງບໍລິການປະຕູດຽວ ເພື່ອອໍານວຍຄວາມສະດວກແກ່ຜູ້ປະກັນຕົນ ຊຶ່ງຈະທົດລອງຢູ່ຫ້ອງການຫອງທອນປະກັນສັງຄົມແຫ່ງຊາດສໍານັກງານໃຫຍ່ ແລະອື່ນໆ; ສຳລັບວຽກງານປິ່ນອ້ອມ ຫກປຊ ແມ່ນໄດ້ສືບຕໍ່ລົງປະຊາສຳພັນໃຫ້ບັນດາອົງການຈັດຕັ້ງລັດ, ຫົວໜ່ວຍວິສາຫະກິດຂອບເຂດທົ່ວປະເທດ ລວມທັງພາກສະໝັກໃຈໄດ້ທັງໝົດ 166 ຄັ້ງ ເທົ່າກັບ 84 % ຂອງແຜນການງວດ III ແລະ ໄດ້ສືບຕໍ່ປະຊາສໍາພັນທາງສື່ມວນຊົນຂະແໜງການຕ່າງໆ ຕາມເນື້ອໃນກົດໝາຍວ່າດ້ວຍການປະກັນສັງຄົມ ໃຫ້ແກ່ບັນດາກຸ່ມເປົ້າໝາຍໄດ້ເຂົ້າໃຈຢ່າງຖືືກຕ້ອງ ໂດຍສະເພາະແມ່ນສິດຜົນປະໂຫຍດທີ່ຈະໄດ້ຮັບຈາກການເຂົ້າເປັນສະມາຊິກປະກັນສັງຄົມ, ຊຶ່ງໃນງວດ III ປີ 2018 ສາມາດຂຶ້ນທະບຽນໃຫ້ກັບຫົວໜ່ວຍແຮງງານວິສາຫະກິດໃໝ່ 77 ຫົວໜ່ວຍ ເທົ່າກັບ 71% ຂອງແຜນການງວດ III ແລະ ມີຜູ້ປະກັນຕົນໃນວິສາຫະກິດໃໝ່ ແລະ ເກົ່າ ທັງໝົດ 6.072 ຄົນ ເທົ່າກັບ 46%; ຂື້ນທະບຽນພະນັກງານລັດຖະກອນໃໝ່ 1.182 ຄົນ ເທົ່າກັບ 249% ແລະ ຂື້ນທະບຽນຜູ້ປະກັນຕົນສະໝັກໃຈໃໝ່ໄດ້ 515 ຄົນ ເທົ່າກັບ 65% ຂອງແຜນການງວດ III ປີ 2018; ມີຜູ້ປະກັນຕົນ ທີ່ໄດ້ຈ່າຍເງິນສົມທົບທັງໝົດ 296.432 ຄົນ (ບໍ່ລວມພາກສ່ວນ ປກຊ, ປກສ); ໃນນີ້ ມີຜູ້ປະກັນຕົນພາກລັດ 183.267 ຄົນ, ພາກວິສາຫະກິດ 105.646 ຄົນ, ຜູ້ສະໝັກໃຈ 3.368 ຄົນ. ປັດຈຸບັນມີຫົວໜ່ວຍແຮງງານວິສາຫະກິດ ທີ່ເຂົ້າເປັນສະມາຊິກປະກັນສັງຄົມໄດ້ຈ່າຍເງິນສົມທົບ 1.976 ຫົວໜ່ວຍ. ສໍາລັບວຽກງານອຸດໜູນໄດ້ດໍາເນີນການພິຈາລະນາ ແລະ ຄິດໄລ່ເງິນອຸດໜູນຕ່າງໆທັງໝົດ 63.508 ກໍລະນີ ເທົ່າກັບ 94% ຂອງແຜນການງວດ, ໃນນີ້ ພາກລັດ 55.708 ກໍລະນີ, ພາກວິສາຫະກິດ ແລະ ສະໝັກໃຈ 7.800 ກໍລະນີ. ປັດຈຸບັນມີຜູ້ເກີດສິດປິ່ນປົວຕາມເງື່ອນໄຂທັງພາກລັດ ແລະ ພາກວິສາຫະກິດທັງໝົດ 691.189 ຄົນ; ໃນນີ້ພາກລັດ 457.420 ແລະ ພາກວິສາຫະກິດ ລວມທັງພາກສະໝັກໃຈ 233.769 ຄົນ. ນອກນັ້ນໃນກອງປະຊຸມ ຍັງໄດ້ຜ່ານແຜນກິດຈະກໍາ ແລະ ຕົວເລກຄາດໝາຍສູ້ຊົນ ໃນງວດທີ IV ປະຈໍາປີ 2018.

div#mb_center,div#mb_bottom{ z - index: 9999; } div#mb_overlay{ z - index: 9999; }