ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 15/10/2018 ເວລາ 15:00


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 15/10/2018 ເວລາ 15:00

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ກອງປະຊຸມປຶກສາຫາລື ເພື່ອແກ້ໄຂຂອດການບໍລິການປິ່ນປົວສຸຂະພາບ

alt
ເພື່ອເປັນການທົບທວນການປະຕິບັດສັນຍາສະບັບເລກທີ 0230/ຫກປຊ ລົງວັນທີ 29 ມີນາ 2017 ກ່ຽວກັບການບໍລິການປິ່ນປົວສຸຂະພາບ ຕາມລະບົບປະກັນສັງຄົມ ລະຫວ່າງ ຫ້ອງການກອງທຶນປະກັນສັງຄົມແຫ່ງຊາດ ກັບ ບັນດາໂຮງໝໍຄູ່ສັນຍາສູນກາງ,

ໃນຕອນເຊົ້າຂອງວັນທີ 13 ກັນຍາ 2018 ທີ່ ຫ້ອງປະຊຸມຂອງ ກະຊວງສາທາລະນະສຸກ ໄດ້ມີກອງປະຊຸມປຶກສາຫາລື ເພື່ອແກ້ໄຂຂອດການ ບໍລິການປິ່ນປົວສຸຂະພາບ ລະຫວ່າງ ຫກປຊ ກັບ ໂຮງໝໍຄູ່ສັນຍາສູນກາງ ແລະ ກົມປິ່ນປົວ ໂດຍການເປັນປະທານຮ່ວມຂອງ ທ່ານ ດຣ ບຸນໜັກ ໄຊຊະນະສົງຄາມ ຫົວໜ້າກົມປິ່ນປົວ ກະຊວງສາທາລະນະສຸກ ແລະ ທ່ານ ປະເດີມພອນ ສົນທະນີ ຜູ້ອຳນວຍການ ຫກປຊ, ຊຶ່ງມີ ຄະນະອໍານວຍການ 4 ໂຮງໝໍສູນກາງ ພ້ອມດ້ວຍຜູ້ປະສານງານໂຮງໝໍມະໂຫສົດ, ເສດຖາທິຣາດ, ມິດຕະພາບ ແລະ 103 , ຄະນະຕີເປີເຊັນ ເສຍອົງຄະຂອງກະຊວງສາທາລະນະສຸກ, ຄະນະຫ້ອງການກອງທຶນປະກັນສຸຂະພາບແຫ່ງຊາດ, ຄະນະກົມປະກັນສັງຄົມ ກະຊວງ ຮສສ, ຄະນະ ອຳນວຍການ ຫກປຊ, ຕາງໜ້າກົມອາຫານ ແລະ ຢາ ກະຊວງສາທາລະນະສຸກ, ສູນການແພດຟື້ນຟູໜ້າທີ່ການ, ບັນດາພະແນກການ ພ້ອມດ້ວຍວິຊາການທີ່ກ່ຽວຂ້ອງເຂົ້າຮ່ວມທັງໝົດ 27 ທ່ານ, ຍິງ 11 ທ່ານ.

ພາຍຫຼັງປະທານກ່າວເປີດກອງປະຊຸມ, ທ່ານ ດຣ ນາງ ບົວຫອມ ພົມມະຈັນ ຮອງຜູ້ອຳນວຍການ ຫກປຊ ໄດ້ລາຍງານກ່ຽວກັບສະພາບການ ຈັດຕັ້ງປະຕິບັດສັນຍາໃນໄລຍະທີ່ຜ່ານມາ ເຫັນວ່າບັນດາໂຮງໝໍໄດ້ປະຕິບັດນະໂຍບາຍປິ່ນປົວສຸຂະພາບໃຫ້ແກ່ຜູ້ເກີດສິດ ຕາມສັນຍາ ແລະ ລະບຽບການ ຫຼາຍບັນຫາໄດ້ຮັບການປັບປຸງ ແລະ ແກ້ໄຂ, ແຕ່ກໍ່ຍັງມີບາງບັນຫາທີ່ຍັງບໍ່ທັນເປັນເອກະພາບກັນ ເປັນຕົ້ນແມ່ນ ບາງໂຮງໝໍຍັງມີ ຫາງສຽງຈົມວ່າກ່ຽວກັບພະນັກງານຕ້ອນຮັບ ແລະ ການບໍລິການຂອງແພດ, ຍັງມີບາງຄັ້ງຄົນເຈັບສຸກເສີນໄປໂຮງໝໍອື່ນໄດ້ຈ່າຍເງິນເອງ, ບາງໂຮງໝໍຍັງບໍ່ທັນມີຢາພຽງພໍສະໜອງໃຫ້ແກ່ຄົນເຈັບ ໄດ້ໄປຊື້ຢາຢູ່ນອກ ແລະ ການຖອນເງິນຄືນຊັກຊ້າ ຫຼື ບາງເທື່ອບໍ່ຖອນໃຫ້, ການຜ່າຕັດ ໃສ່ເຫຼັກ, ການອະທິບາຍແກ່ຜູ້ປະກັນຕົນກ່ຽວກັບການບໍລິການບາງອັນທີ່ໂຮງໝໍຈໍາເປັນຕ້ອງໄດ້ເກັບເງິນນໍາຄົນເຈັບ ຍ້ອນວ່າບໍ່ຢູ່ໃນລາຍກາ ຄຸ້ມຄອງຂອງປະກັນສັງຄົມ ເປັນຕົ້ນແມ່ນ ຫ້ອງນອນພິເສດ, ການກວດພູມແພ້ ແລະອື່ນໆ, ການອອກໃບຢັ້ງຢືນສຸຂະພາບໃຫ້ຄົນເຈັບ ເຫັນວ່າຍັງມີຊ່ອງວ່າງ ແລະ ບໍ່ທັນເໝາະສົມ, ພ້ອມທັງສະເໜີໃຫ້ກອງປະຊຸມເອກະພາບປັບແບບໃບຢັ້ງຢືນຕີເປີເຊັນເສຍອົງຄະ.

ກອງປະຊຸມໄດ້ຄົ້ນຄ້ວາ ແລະ ມີການປະກອບຄຳເຫັນຂອງຫຼາຍພາກສ່ວນ ແລະ ເອກະພາບກັນບາງບັນຫາດັ່ງນີ້:

  • ໂຮງໝໍຈະນໍາຂໍ້ສະເໜີເລື່ອງການຮ້ອງຮຽນຕໍ່ການບໍລິການຂອງພະນັກງານຕ້ອນຮັບ ແລະ ແພດໝໍໄປປັບປຸງໃນໂຮງໝໍຂອງຕົນ;
  • ການຜ່າຕັດໃສ່ເຫຼັກ ແມ່ນຖ້າເປັນເຫຼັກທີ່ໃສ່ໃນເວລາຜ່າຕັດ ບໍ່ແມ່ນອຸປະກອນເສີມ ແມ່ນໂຮງໝໍຈະຈ່າຍໃຫ້ຕາມສັນຍາ;
  • ໂຮງໝໍຈະພະຍາຍາມຈັດຫາຢາທີ່ຈໍາເປັນ ມາໄວ້ໃນໂຮງໝໍເພື່ອລີກລ່ຽງການຊື້ຢານອກ;
  • ຫກປຊ ຈະສົ່ງຂໍ້ມູນຮ້ອງຮຽນໃຫ້ແຕ່ລະໂຮງໝໍເປັນແຕ່ລະໄລຍະ ເພື່ອໃຫ້ໂຮງໝໍມີຂໍ້ມູນໃນການປັບປຸງການບໍລິການ;
  • ໃນໄລຍະຕໍ່ໄປ ຄວນມີການກວດກາ ແລະ ສຶກສາເບິ່ງຄືນດ້ານການເງິນທີ່ໂຮງໝໍຂາດດູນ;
  • ເອກະພາບໃຫ້ຈັດຕັ້ງກອງປະຊຸມວິຊາການ ກັບຄະນະຕີເປີເຊັນເສຍອົງຄະ ແລະ ຕາງໜ້າບັນດາໂຮງໝໍ ເພື່ອເອກະພາບໃບຢັ້ງຢືນແພດ ແລະ ແບບຟອມຕີເປີເຊັນເສຍອົງຄະ;

ກອງປະຊຸມປຶກສາຫາລື ໄດ້ສຳເລັດລົງໃນຕອນບ່າຍຂອງມື້ດຽວກັນ.