ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 10/12/2018 ເວລາ 10:03


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 10/12/2018 ເວລາ 14:25

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ກອງປະຊຸມສະພາບໍລິຫານ ກອງທຶນປະກັນສັງຄົມແຫ່ງຊາດ ຄັ້ງທີ XI.

ໃນຕອນເຊົ້າຂອງວັນທີ 18/01/2018 ​ກອງ​ທຶນ​ປະກັນ​ສັງຄົມ​ແຫ່ງ​ຊາດ (ກປຊ) ໄດ້ຈັດກອງ ປະຊຸມສະພາບໍລິຫານຂອງ​ຕົນຂຶ້ນ ທີ່ ເມືອງທຸລະຄົມ ແຂວງວຽງຈັນ, ພາຍໃຕ້ການເປັນປະ ທານຂອງ ທ່ານ ປ.ອ ຄຳແພງ ໄຊສົມແພງ

ລັດຖະມົນຕີ ກະຊວງ ແຮງງານ ແລະ ສະຫວັດດີການສັງຄົມ, ປະທານສະພາບໍລິຫານ ກອງທຶນປະກັນສັງຄົມແຫ່ງຊາດ, ເຂົ້າຮ່ວມກອງ ປະຊຸມໃນຄັ້ງນີ້ມີຮອງປະທານ, ຄະນະກຳມະການສະພາບໍລິຫານ, ຄະນະອຳນວຍການ ແລະ ບັນດາພະແນກການທີ່ກ່ຽວຂ້ອງ ຂອງ ຫ້ອງການກອງທຶນປະກັນສັງຄົມແຫ່ງຊາດ ເຂົ້າຮ່ວມຢ່າງພ້ອມພຽງ.

ກອງປະຊຸມສະພາບໍລິຫານ ກປຊ ໃນຄັ້ງນີ້ ເປັນຄັ້ງທີ XI ນັບແຕ່ປະກາດເປັນກອງທຶນປະກັນສັງຄົມແຫ່ງຊາດໃນທ້າຍປີ 2014. ຈຸດປະສົງກໍ່ ເພື່ອທົບທວນຄືນໃນການປະຕິບັດວຽກງານປະກັນສັງຄົມໃນໄລຍະປີ 2017 ພ້ອມທັງໄດ້ພິຈາລະນາ ແລະ ຮັບຮອງເອົາບາງຂໍ້ສະເໜີຂອງກອງ​ທຶນ​ຕື່ມອີກ. ພາຍຫຼັງປະທານກອງປະຊຸມກ່າວເປີດພິທີ ທ່ານ ປະເດີມພອນ ສົນທະນີ ຜູ້ອຳນວຍການ ກປຊ ໄດ້ກ່າວລາຍງານກ່ຽວກັບສະພາບ ການຈັດຕັ້ງປະຕິບັດວຽກງານປະຈໍາສົກປີ 2017 ແລະ ຜ່ານທິດທາງແຜນການ ປະຈໍາປີ 2018 ຂອງ ຫກປຊ, ຊຶ່ງທ່ານໄດ້ລາຍງານໃຫ້ຮູ້ວ່າ: ໃນປີທີ່ຜ່ານມາ ກປຊ ໄດ້ຈັດກອງປະຊຸມສຳມະນາເຜີຍແຜ່ວຽກງານກອງທຶນປະກັນສັງຄົມຂອບເຂດທົ່ວປະເທດ 16 ຄັ້ງ ທຽບໃສ່ແຜນການປີ ເທົ່າກັບ 84%, ລົງປະຊາສຳພັນໃຫ້ບັນດາອົງການຈັດຕັ້ງລັດ ແລະ ຫົວໜ່ວຍວິສາຫະກິດຂອບເຂດທົ່ວປະເທດໄດ້ທັງໝົດ 802 ຄັ້ງ ເທົ່າກັບ 100 % ຂອງແຜນການປີ ແລະ ໄດ້ສືບຕໍ່ປະຊາສໍາພັນທາງສື່ມວນຊົນຂະແໜງການຕ່າງໆ ຕາມເນື້ອໃນກົດໝາຍວ່າດ້ວຍການປະກັນສັງຄົມ ໃຫ້ແກ່ບັນດາກຸ່ມເປົ້າໝາຍໄດ້ເຂົ້າໃຈຢ່າງຖືືກຕ້ອງ ໂດຍສະເພາະແມ່ນສິດຜົນປະໂຫຍດທີ່ຈະໄດ້ຮັບຈາກການເຂົ້າເປັນສະມາຊິກປະກັນສັງຄົມ, ຊຶ່ງໃນປີ 2017 ສາມາດຂຶ້ນທະບຽນໃຫ້ກັບຫົວໜ່ວຍແຮງງານວິສາຫະກິດໃໝ່ 195 ຫົວໜ່ວຍ ເທົ່າກັບ 65% ຂອງແຜນການປີ ແລະ ມີຜູ້ປະກັນຕົນໃໝ່ທັງໝົດ 35,681 ຄົນ ເທົ່າກັບ 72% ໃນນັ້ນຂື້ນທະບຽນພາກລັດໄດ້ 6,539 ຄົນ ເທົ່າກັບ 131%, ພາກວິສາຫະກິດໄດ້ 26.813 ຄົນ ເທົ່າກັບ 61% ແລະ ຜູ້ປະກັນຕົນລະບົບສະໝັກໃຈໃໝ່ໄດ້ 2,329 ຄົນ ເທົ່າກັບ 58% ຂອງແຜນການປີ ແລະ ໄດ້ພິມບັດປະກັນສັງຄົມໃຫ້ແກ່ຜູ້ປະກັນຕົນທົ່ວປະເທດໄດ້ 82.402 ບັດ. ມີຜູ້ປະກັນຕົນ ທີ່ໄດ້ຈ່າຍເງິນສົມທົບທັງໝົດ 288.647 ຄົນ; ໃນນີ້ ມີຜູ້ປະກັນຕົນພາກລັດ 181.605 ຄົນ, ພາກວິສາຫະກິດ 101,273 ຄົນ, ຜູ້ສະໝັກໃຈ 5.769 ຄົນ. ປັດຈຸບັນມີຫົວໜ່ວຍແຮງງານວິສາຫະກິດ ທີ່ເຂົ້າເປັນສະມາຊິກປະກັນສັງຄົມໄດ້ຈ່າຍເງິນສົມທົບ 1.802 ຫົວໜ່ວຍ. ສຳລັບວຽກງານອຸດໜູນແມ່ນໄດ້ປັບປຸງການສະໜອງອຸດໜູນໃຫ້ດີຂຶ້ນ ໂດຍສະເພາະການເບີກຈ່າຍເງິນອຸດໜູນບຳນານ, ເສຍອົງຄະຜ່ານລະບົບ ATM ໃນຂອບເຂດທົ່ວປະເທດສໍາເລັດ, ດໍາເນີນການພິຈາລະນາ ແລະ ຄິດໄລ່ເງິນອຸດໜູນຕ່າງໆທັງໝົດ 78.668 ກໍລະນີ ເທົ່າກັບ 85% ຂອງແຜນການປີ, ໃນນີ້ ພາກລັດ 66.007 ກໍລະນີ ແລະ ພາກວິສາຫະກິດ 12,661 ກໍລະນີ. ປັດຈຸບັນມີຜູ້ເກີດສິດປິ່ນປົວຕາມເງື່ອນໄຂທັງພາກລັດ ແລະ ພາກວິສາຫະກິດທັງໝົດ 664.803 ຄົນ; ໃນນີ້ພາກລັດ 446.226 ແລະ ພາກວິສາຫະກິດ ລວມທັງພາກສະໝັກໃຈ 218.577 ຄົນ. ສ່ວນວຽກງານການເງິນໃນສົກປີ 2017 ຫກປຊ ສາມາດປະຕິບັດລາຍຮັບລວມທັງພາກລັດ ແລະ ພາກວິສາຫະກິດໄດ້ທັງໝົດ 1.475 ຕື້ກ່ວາກີບ ເທົ່າກັບ100% ແລະ ລາຍຈ່າຍທັງໝົດ 1.262 ຕື້ກວ່າກີບ ເທົ່າກັບ 98% ຂອງແຜນການ, ມີຍອດເຫຼືອລາຍຮັບ-ລາຍຈ່າຍລວມທັງໝົດ 213 ຕື້ກວ່າກີບ ໃນນີ້ພາກລັດຂາດດູນ -40 ຕື້ກ່ວາກີບ ແລະ ພາກວິສາຫະກິດມີຍອດເຫຼືອ 253 ຕື້ກ່ວາກີບ. ນອກ​ນີ້ ກອງປະຊຸມດັ່ງກ່າວຍັງ​ໄດ້​ຍົກບັນຫາ​ສໍາຄັນຕ່າງໆ ເພື່ອສະເໜີ​ໃຫ້​ສະພາ​ບໍລິຫານ​ພິຈາລະນາຮັບຮອງ ເຊັ່ນ:

  • ສະເໜີຮັບຮອງ ວັນສ້າງຕັ້ງວຽກງານປະກັນສັງຄົມຢູ່ ສປປ ລາວ;
  • ສະເໜີແກ້ໄຂບັນຫາ ການຈ່າຍເງິນອຸດໜູນບໍານານເກີນ ໃນກໍລະນີຜູ້ບໍານານເສຍຊີວິດ;
  • ການປະຕິບັດວຽກງານປິ່ນປົວສຸຂະພາບຢູ່ຕ່າງປະເທດ, ແລະ ບັນຫາອື່ນໆທີ່ຕິດພັນກັບວຽກງານຂອງກອງທຶນປະກັນສັງຄົມແຫ່ງຊາດ.
div#mb_center,div#mb_bottom{ z - index: 9999; } div#mb_overlay{ z - index: 9999; }