ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 18/09/2017 ເວລາ 15:45 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 18/09/2017ເວລາ 15:48 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ພະນັກງານລັດຖະກອນສະພາແຫ່ງຊາດ ໄດ້ເຂົ້າຮັບຟັງການເຜີຍແຜ່ວຽກງານປະກັນສັງຄົມ

alt
ໃນທ້າຍອາທິດທີ່ຜ່ານມາສະພາແຫ່ງຊາດຮ່ວມກັບຫ້ອງການກອງທຶນປະກັນສັງຄົມແຫ່ງຊາດ (ຫກປຊ)ກະຊວງແຮງງານ ແລະ ສະຫວັດດີການສັງຄົມ ຈັດກອງປະຊຸມເຜີຍແຜ່ຄຳແນະນຳ ວ່າດ້ວຍການຈັດຕັ້ງປະຕິບັດກົດໝາຍປະກັນສັງຄົມ. ຊຶ່ງໃຫ້ກຽດຮັບຟັງໂດຍ ທ່ານ ນ. ສວນ ສະຫວັນ ວິຍະເກດ ຄະນະບໍລິຫານງານສຳຮອງສູນກາງພັກ

ທັງເປັນຄະນະບໍລິຫານງານສູນກາງສະຫະພັນແມ່ຍິງລາວ ແລະ ປະທານສະຫະພັນແມ່ຍິງສະພາແຫ່ງຊາດ ພ້ອມດ້ວຍ​ພະນັກງານ​ລັດຖະກອນ​ຂອງສະພາ​ແຫ່ງ​ຊາດເຂົ້າ​ຮ່ວມ ຈຳນວນ 100 ກວ່າທ່ານ.

ໃນທີ່ປະຊຸມ ທ່ານ ບຸນຍອດ ຈັນທະວອນ ຮອງຜູ້ອຳນວຍການ ຫກປຊ ໄດ້ກ່າວໃຫ້ຮູ້ວ່າ: ການເຂົ້າເປັນສະມາຊີກປະກັນສັງຄົມບໍ່ແມ່ນຈະໄດ້ ຮັບສິດທິປະໂຫຍດພຽງ “ ອຸດໜູນປິ່ວປົວສຸຂະພາບ ” ຢ່າງດຽວເທົ່ານັ້ນ ຊຶ່ງຜູ້ປະກັນຕົນທີ່ເປັນສະມາຊີກປະກັນສັງຄົມຈະໄດ້ຮັບບັນດາປະເພດ ຫຼາຍຢ່າງ ຄື: ອຸດໜູນອຸປະຕິເຫດແຮງງານ, ພະຍາດອາຊີບ ຫຼື ອຸປະຕິເຫດອື່ນໆທີ່ມີການເສຍກຳລັງງານ ຫຼື ເສຍອົງຄະ; ປິ່ນປົວສຸຂະພາບ; ອອກລູກ ຫຼື ຫຼຸລູກ; ປ່ວຍການ; ບໍານານ; ເສຍຊີວິດ; ສະມາຊີກຄອບຄົວຂອງຜູ້ເສຍຊີວິດ ແລະ ອຸດໜູນວາງງານ ທີ່ຈະໄດ້ຮັບຕາມລະບຽບ ການທີ່ໄດ້ກໍາໄວ້ຂອງກົດໝາຍວ່າດ້ວຍການປະກັນສັງຄົມ.

ຈາກນັ້ນທີມງານພະແນກປະຊາສຳພັນ ຫກປຊ ກໍ່ໄດ້ເຜີຍແຜ່ຄຳແນະນຳໃຫ້ຮູ້ວ່າ ລະບົບປະກັນສັງຄົມ​ໃນ ສປປ ລາວ ແມ່ນໄດ້ຈັດຕັ້ງປະຕິບັດ ພາຍໃຕ້ກົດໝາຍວ່າດ້ວຍການປະກັນສັງຄົມ ສະບັບເລກທີ 34/ສພຊ. ​ໂດຍ​ແມ່ນຫ້ອງການ​ກອງ​ທຶນປະກັນສັງຄົມ​ແຫ່ງ​ຊາດ​ເປັນ​ຜູ້​ຈັດ​ຕັ້ງ​ປະຕິບັດ​ວຽກ​ງານ​ດັ່ງກ່າວ ໂດຍໄດ້ເນັ້ນໝັກໃສ່ພະນັກງານລັດຖະກອນ​ເພື່ອຮັບຮູ້​ເຂົ້າ​ໃຈ​ຕໍ່​ພັນທະ ​ແລະ ສິດຜົນປະ​ໂຫຍ​ດທີ່​ໄດ້​ເຂົ້າ​ເປັນ​ສະ ມາ​ຊີກ​ປະກັນ​ສັງຄົມ.

​ເຊິ່ງມີ​ຂັ້ນ​ຕອນ​ໃນ​ການ​ຂຶ້ນ​ທະບຽນ​ເພື່ອ​ຮັບ​ບັດ​ປະກັນ​ສັງຄົມ ​ໂດຍ​ສະ​ເພາະ​ຫ້ອງການ​ຈັດ​ຕັ້ງ​ບຸກຄະລາ​ກອນ ເວົ້າລວມເວົ້າສະເພາະແມ່ນພະນັກ ງານລັດຖະກອນເອງຕ້ອງໄດ້​ເປັນ​ເຈົ້າ​ການ​ໃນ​ການ​ປະກອບ​ຟອມຂຶ້ນ​ທະບຽນ​ເພື່ອ​ຮັບ​ບັດ​ປະກັນ​ສັງຄົມ ພາຍຫຼັງທີ່​ມີຂໍ້​ຕົກລົງ​ເປັນ​ລັດຖະກອນ​ຮັບ​ເງິນ​ເດືອນ 95% ​ແລະ ການ​ແຈ້ງ​ຂໍ້​ມູນ​ປ່ຽນ​ແປງ ​​ເພີ່ມ​ເຕີມຕ່າງໆຈາກ​ຂໍ້​ມູນ​ເດີມ​ທີ່​ເຄີຍ​ແຈ້ງ​ໄວ້​ໃນ​ເມື່ອ​ກ່ອນ​ສຳລັບ​ຜູ້​ທີ່​ມີ​ບັດ​ແລ້ວ.

​ໃນ​ພັນທະຂອງ​ລັດ​ຖະກອນ​ທີ່​ເປັນ​ສະມາ​ຊີກ​ນອກຈາກ​ການ​ຂຶ້ນ​ທະບຽນ​ແລ້ວ​ແມ່ນ​ເປັນ​ການ​ປະກອບສ່ວນ​ເຂົ້າ​​ໃນກອງ​ທຶນ​ປະກັນ​ສັງຄົມ​ຕາມ​ລະບຽບ​ການ​ໃນ​ອັດຕາ 16,5% ຊຶ່ງ​ລັດຖະບານ​ຈ່າຍ​ໃຫ້ 8,5% ສ່ວນ​ພະນັກງານ​ລັດຖະກອນ​ຜູ້​ໜຶ່ງຈະ​ຖືກຫັກ​ຈາກ​ເງິນ​ເດືອນ 8%, ການປະຕິບັດ​ພັນທະ​ຕໍ່ກອງ​ທຶນ​ດັ່ງ​ກວ່າ​ຈະ​ໄດ້​ຮັບ​ສິດຜົນປະ​ໂຫຍ​ດຕ່າງໆ​ຕາມ​ລະບຽບ​ການ​ທີ່ີ​ໄດ້​ກຳນົດ​ໄວ້.

ພາຍຫຼັງທີ່ມີການນຳສະເໜີລະບຽບການຕ່າງໆແລ້ວໃນກອງປະຊຸມ​ໄດ້​ມີ​ການ​ສົນທະນາ​ຖາມ​-ຕອບກ່ຽວ​ກັບ​ບັນດາ​ສິດຜົນ​ປະ​ໂຫຍ​ດ ທີ່​ຈະ​ໄດ້​ຮັບ​ຈາກ​ການ​​ເຂົ້າ​ເປັນ​ສະມາ​ຊີກ​ການ​ປະກັນ​ສັງຄົມ ​ຊຶ່ງໃນ​ສ່ວນ​ໃຫຍ່​ແມ່ນ​ເໜັ້ນ​ໃຫ້​ປະກັນ​ສັງຄົມ ​ເພີ່ມ​ຄວາມ​ເອົາ​ໃຈ​ໃສ່​ຕໍ່​ຄອດ​ບໍລິການ​​ປິ່ນປົວ​ສຸຂະພາບ​ຂອງ​ສະມາ​ຊີກ​ເວລາ​ໄປ​ໃຊ້​ບໍລິການ​ຢູ່​ໂຮງໝໍ, ການ​ເຈັບ​ເປັນ​ສຸ​ກເສີນເຫັນ​ວ່າ​ໃນ​ໄລຍະ​ທີ່​ຜ່ານ​ມາ​ຍັງ​ບໍ່​ຈັດ​ຕັ້ງ​ປະ​ຕິບັດ​ໄດ້​ດີ​ເທົ່າ​ທີ່​ຄວນ. ຫຼັງຈາກນັ້ນ, ທ່ານ ບຸນຍອດ ຈັນທະວອນ ກໍ່ໄດ້ຊີ້ແຈ້ງບັນຫາຕ່າງໆຢ່າງກົງໄປກົງມາທີ່ເກີດຂຶ້ນໃນການນຳໃຊ້ປະກັນສັງຄົມ ພ້ອມທັງຮັບເອົາຄຳ ສະເໜີຕ່າງໆ​ ຄໍາ​ແນະນຳ​ໃນ​ການ​ປັບປຸງ​ລະບຽບ​ການ​ປະກັນ​ສັງຄົມ ​ເພື່ອ​ນຳ​ສະ​ເໜີ​ຕໍ່​ຂັ້ນ​ເທິງ​​ປັບປຸງ​ແກ້​ໄຂ​ໃນ​ຕໍ່ໜ້າ​ໃຫ້​ແທດ​ເໝາະ​ກັບ​ສະພາບ​ການ​ຕົວ​ຈິງ ​ແລະ ​​ເປັນ​ທີ່​ເພິ່ງ​ພໍ​ໃຈ​ຂອງ​ສະມາ​ຊີກ​ປະກັນ​ສັງຄົມ ​ເວົ້າ​ສະ​ເພາະ​ຕໍ່​ປະ​ຊາຊົນ​ໃນ​ຂອບ​ເຂດ​ທົ່ວ​ປະ​ເທດ.